Jẹnẹsis 17:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Etiyin Ebraham da reyọ Ishmael rẹ ọmọ rọye na kugbe ibiẹdo rọye re vwiẹ vwẹ uwevwi rọye eyẹ eviẹn ra vwẹ igho dẹ, kọshare kọshare vwẹ evun rẹ uwevwi rẹ Ebraham na, ọ da yanvwe ayen ejobi vwẹ ẹdẹ yena ọvuọvo na, kirobo rẹ Ọghẹnẹ ta kẹ.

Jẹnẹsis 17:23 ပူးပေါင်းရင်းမြစ်များ

Jẹnẹsis 14:14

Ọke rẹ Ebram vwo nyo nẹ emu omoni rọye ighuvwun, o de sun otu rẹ ofovwi rọye phia rọ nabọ yono, re ji vwiẹ vwẹ uwevwi rọye, uri gbẹ ujori, gbẹ ihwe gbẹ ẹrenre, ayen da vwọ tua ayen rhi te Dan.

Jẹnẹsis 17:9

Ọghẹnẹ da ta kẹ Ebraham, Vwọ kẹ wẹ, ku wọ sẹro rẹ ọphọ mẹ na, te owẹ vẹ emọ wẹn kugbe uvwiẹ wẹn ejobi re cha vwẹ obuko wẹn.

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Jẹnẹsis 34:24

Ayen ihwo ri koko vwẹ ughere rẹ orere na ejobi da rhọvwe phihọ ota ri Hamọr vẹ ọmọ rọye Shikẹm; kọshare kọshare ejobi ri koko vwẹ ughere rẹ orere na da yanvwe.

Une rẹ Ejiro 119:60

mi bru okpakpa me da oma ji-i rere me vwọ yọnrọn irhi wẹn.

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Iruo rẹ Iyinkọn na 16:3

Pọl da guọnọ nẹ Timoti nene ọye; etiyin ọ da reyọ ọ da yanvwọ fiki rẹ ihwo rẹ Ju re dia etiyin, kidie ayen ejobi riẹnre nẹ ọsẹ rọye ohwo ri Grik.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Galesha 6:15

Kidie oyanvwe vẹ ijẹyanvwọ fi emuọvo-o, ẹkẹvuọvo evwiẹ ọkpokpọ.