Jẹnẹsis 17:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

Jẹnẹsis 17:16 ပူးပေါင်းရင်းမြစ်များ

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Jẹnẹsis 15:4

Nighe, ota rẹ Ọrovwohwo de bro rhe, Ohwo nana cha dia ọriuku wẹ-ẹn, ọmọ rẹ obọ wẹn re cha dia ọriuku wẹn.

Jẹnẹsis 17:15

Ọghẹnẹ da ta kẹ Ebraham, Vwọ kẹ Serai rẹ aye wẹn, wo gbi se Serai ọfa-a, ẹkẹvuọvo Sera kọye dia odẹ rọye.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 17:6

Mi ru we vwọ dia ọgbọmiọvwọ, ẹgborho ride ki nẹ agada wẹn rhe, ivie ki nẹ oma wẹn rhe.

Jẹnẹsis 21:1

Ọrovwohwo de bru Sera rhe kirobo rọ ta kẹ jovwo, Ọrovwohwo de ru kẹ Sera kirobo ro vẹ kẹ.

Jẹnẹsis 24:60

Ayen da nẹ ẹrhovwo kẹ Rebeka tanẹ, Oniọvo rẹ avwanre, gba dia oni rẹ emọ uriori asako uriori ihwe, rere uvwiẹ wẹn vwẹ anurhoro rẹ ivwighrẹ rayen vwọ riuku.

Jẹnẹsis 25:23

Ọrovwohwo da ta kẹ, Ẹgborho ivẹ ri evun wẹn, oka rẹ ihwo ivẹ, ru wo che vwiẹ na, ke ghare oma; Ọvo cha goma nọ ọrivẹ, oro ọkpako cha ga oro otete.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 36:31

Enana ke rha ivie re rere vwẹ otọ rẹ Idọm, tavwe ra ke mrẹ ne ovie rere vwe Izrẹl.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Ọbe ri Pọl si rhe Ihwo ri Rom 9:9

Kidie ọna hẹ ota rẹ ive na, Vwẹ ọtiẹ ọke ọtiọna ki mi che rhivwi rhe, Sera ko che vwiẹ ọmọ.

Galesha 4:23

Ẹkẹvuọvo, ọmọ rẹ ọviẹn nana e vwiẹrẹ vwẹ ọ rẹ ugboma, ọmọ rẹ omuvwiẹ na e vwiẹrẹ vwẹ ọ rẹ ive.

1 Pita 3:6

kirobo ri Sera mu ọghọ kẹ Ebraham, ro vwo se ọrovwovwe. Asakiephana ovwan kẹ emọ rọye ru we de ru obo ri yoma rẹ emu ọvuọvo rhe guegue ovwa-an.