Jẹnẹsis 17:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọnana kọye ọphọ mẹ na, ru wọ sẹro rọye na, rọ uvwre mẹ vẹ owẹ kugbe emọ wẹn re cha obuko wẹn na: Kọshare kọshare rọ uvwre rẹ ovwan kọ yanvwe.

Jẹnẹsis 17:10 ပူးပေါင်းရင်းမြစ်များ

Jẹnẹsis 17:11

Ku wọ yanvwe ohọrọ rẹ ẹsosuọ rẹ oma wẹn, kọ cha dia oka rẹ ọphọ rọ uvwre mẹ vẹ owẹ.

Jẹnẹsis 17:23

Etiyin Ebraham da reyọ Ishmael rẹ ọmọ rọye na kugbe ibiẹdo rọye re vwiẹ vwẹ uwevwi rọye eyẹ eviẹn ra vwẹ igho dẹ, kọshare kọshare vwẹ evun rẹ uwevwi rẹ Ebraham na, ọ da yanvwe ayen ejobi vwẹ ẹdẹ yena ọvuọvo na, kirobo rẹ Ọghẹnẹ ta kẹ.

Jẹnẹsis 17:27

te ire vwiẹri vwẹ uwevwi rọye te e ra vwẹ igho dẹ mie erhorha, a da yanvwe ayen ejobi kugbe.

Jẹnẹsis 21:4

Ebraham da yanvwọ ọmọ rọye Aizik rọ vwọ gba ẹdẹ ẹrenren, kiri urhi rẹ Ọghẹnẹ ji kẹ

Jẹnẹsis 34:15

Emu ọvuọvo kọye we ru rẹ avwanre ke rhọvwe: kẹ ovwanvwan dia kiri obo rẹ avwanre epha na kọye kọshare kọshare re ovwan ejobi kọ yanvwe.

Jẹnẹsis 34:22

Jokpa rẹ Ọnana ọvo ọye ayen vẹ avwanre vwọ sa dia kugbe, rere avwanre vẹ ayen sa vwọ dia ihwo ọvo nẹ kọshare kọshare vwẹ uherevie rẹ avwanre kọ yanvwe.

Ẹyano 12:48

Ọ da dianẹ ọrhorha rọ vẹ owẹ gba dia guọnọ re orẹ rẹ ẹwanvrẹn na kẹ Ọrovwohwo, jẹn eshare rẹ ayen ejobi yanvwe tavwe; tavwe ro ki sikẹrẹ re ọ ke riọ; kọ dia kerẹ ọmọtọ rẹ otọ na. Ẹkẹvuọvo ohwo rọ yavwere-e sa riọ-ọ.

Ẹyano 4:25

Etiyin Zipora da reyọ ẹbere rẹ oragha o de bru upheruphe rẹ ọmọshare rọyen, o de vwo te awọ rẹ Mosis, tanẹ, uyota wẹ “Ọpha rẹ ọbara kẹ vwẹ.”

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Iyẹnrẹ Esiri ri Jọn 7:22

Mosis kẹ ovwan oyanvwe ọ dianẹ obọ ri Mosis o nurhe-e, ẹkẹvuọvo obọ rẹ ọsẹ na, yẹ ovwan yanvwe ohwo vwẹ edidjala.

Iruo rẹ Iyinkọn na 7:8

Ọ da vwẹ ọphọ rẹ oyavwe kẹ. Ọtiọye na Ebraham de rhi vwiẹ Aizik, ọ da yavwọ vwẹ ẹdẹ rẹrenre; Aizik de vwiẹ Jekọp, Jekọp kọye hẹ ọsẹ rẹ esẹ ride ihwivẹ na.

Ọbe ri Pọl si rhe Ihwo ri Rom 2:28

Ohwo ri Ju rẹ unu ofefe dia omamọ rẹ ohwo ri Ju-u, eyẹ oyanvwe rẹ ohọroma dia omamọ rẹ oyanywe-e.

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Ọbe ri Pọl si rhe Ihwo ri Rom 3:28

Kidie a reyerọ nẹ esegbuyota ọye ohwo vwọ rease ọ dia fiki rẹ iruo rẹ urhi-i.

Ọbe ri Pọl si rhe Ihwo ri Rom 3:30

Kidie Ọghẹnẹ ọvuọvo; ọye sa vwẹ ase kẹ ihwo re yanvwere fiki rẹ esegbuyota rayen kugbe ijẹyanvwọ fiki rẹ esegbuyota rayen.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Galesha 6:12

Ayen otu re guọnọre nẹ e ni ayen rhuarho vwẹ ugboma, ihwo yena re tua ovwan muotọ nẹ ovwan yanvwe na, rere e vwo jẹ ayen hẹ ekpokpogho fiki rẹ agbagba ri Kristi na.

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Urhi Rivẹ 10:16

Vwẹ ọtiọye na ke yanvwe ohọrọ rẹ awanre rẹ udu wẹn, wọ gbe gan udu ọfa-a.

Urhi Rivẹ 30:6

Ọrovwohwo Ọghẹnẹ rẹ ovwan kọ yanvwe udu rẹ ovwan kugbe udu rẹ emọ rẹ ovwan, rere ovwan vwọ reyọ udu rẹ ovwan ejobi guọnọ Ọrovwohwo rẹ Ọghẹnẹ rẹ ovwan kugbe ẹnwẹn rẹ ovwan ejobi, re ovwan vwọ mrasan rhọ.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Joshua 5:2

Vwẹ ọke yena Ọrovwohwo da ta kẹ Joshua, Duvwu ephia rẹ utehru rere wọ yanvwe ihwo rẹ Izrẹl obọ rive.

Joshua 5:4

Ọnana kọye obo re sorọ ri Joshua vwọ yanvwe ayen: eshare ejobi vwẹ usun rẹ ihwo ri nẹ Ijipt rhe na, eshare ri te ofovwi ejobi, ghwuru vwẹ idjerhe vwẹ evun rẹ aghwa re ayen vwo nẹ Ijipt cha.