Jẹnẹsis 16:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ O da tanẹ, Hagar, ọmọtẹ ri Serai, tivọ wo nurhe ki tivọ wọ je ra? Ọ da tanẹ, Me djẹ nẹ obọ rẹ onini mẹ Serai

Jẹnẹsis 16:8 ပူးပေါင်းရင်းမြစ်များ

Jẹnẹsis 16:1

Vwẹ ọke nana Serai, aye rẹ Ebram na, ji vwiẹ ọmọ kẹ-ẹ. Yo vwo ọmọtẹ rẹ Ijipt ọvo ro gbe odibo kẹ rẹ odẹ rọye Hagar;

Jẹnẹsis 16:4

O de bru Hagar ra, ọ da mrevun, rọ vwọ mrevun nure na, ko nẹ onini rọye na Serai saka.

Jẹnẹsis 16:9

Amakashe rẹ Ọrovwohwo na da ta kẹ, Rhivwi bru onini wẹn, ru wọ vwẹ oma kpotọ kẹ.

Jẹnẹsis 21:17

Ọghẹnẹ de nyo oviẹ rẹ ọmọ na, Etiyin amakashe rẹ Ọghẹnẹ de se Hagar nẹ obo odjuvwu rhe, ọ da ta kẹ, Die ri kpokpo uwe, Hagar? Wọ djẹ oshọ-ọ, kidie Ọghẹnẹ nyo urhuru rẹ ọmọ na vwẹ asan rọ epha.

Jẹnẹsis 3:9

Ẹkẹvuọvo Ọrovwohwo Ọghẹnẹ de se ọshare na, ọ da ta kẹ nẹ, Tivọ wọ epha vwo?

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

1 Ivie 19:13

Ọke rẹ Ilaija vwo nyo, ọ da vwẹ okpan rọye vwo rhurhu opharo rọye o de re mudia vwẹ unu rẹ emwa na. Nighere, urhuru de bro rhe, ọ da ta, Die wo ruẹ vwẹ etinẹ, Ilaija?

1 Ivie 19:9

Etiyin o de rhi te ẹmwa ọvo, o de wo phihọ etiyin; nighere, ota rẹ Ọrovwohwo de bro rhe, ọ da ta kẹ, Die wo ruẹ vwẹ etinẹ, Ilaija?

Ivie rẹ Ivẹ 5:25

Ọ ro uwevwi, o de re mudia kẹrẹ ọrovworo, Ilaesha da ta kẹ, Tivọ wọ nurhe Gehazi? Ọ da kpahe nẹ, Odibo wẹn nẹ asan ọvo rhe-e.

Aghwoghwo 10:4

Ophu rẹ osun da tua kpahe owẹ, wo vrẹn nẹ asan wọ epha-a, kidie oma wo hwemu kpare ophu rode kuẹfia.

Iguẹdjọ 19:17

Ọshare na vwọ kpare opharo kpenu, ọ da mrẹ ọrhorha rẹ ọshare ọvo vwẹ uphephẹ rẹ orere na; ọmare rẹ ọshare na da ta kẹ nẹ, Tivọ wọ ra? Bovọ wo nurhe?

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.