Jẹnẹsis 15:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọ da reyọ rhe otafe ọ da ta, Gbe ni enu na, ru wo keri isio na, su wo se kere ayen. Etiyin ọ da ta kẹ, Ọtiọye uvwiẹ wẹn cha dia.

Jẹnẹsis 15:5 ပူးပေါင်းရင်းမြစ်များ

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 16:10

Amakashe rẹ Ọrovwohwo na da je ta kẹ, Mi che ru uvwiẹ wẹn buebu gangan re de je se kere.

Jẹnẹsis 17:2

Ke Me vẹ owẹ re ọphọ, ku wo vwiẹ buebu gangan.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 28:14

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

Jẹnẹsis 32:13

Kọye o de mu erhọ phihọ Etiyin ason yena, ọ da phare ọko vwo rhe Isọ rẹ oniọvo rọye,

1 Ivie 3:8

Odibo wẹn ọ hẹ uherevie rẹ ihwo re wọ jẹreyọ, ihwo buebu, re je se kere kidie urogho.

1 Ikun rẹ Ivie 27:23

Devid kere ihwo ri te ikpe uje-e, fikiridie Ọrovwohwo veri nẹ ọye ru Izrẹl bu kerẹ isio re hẹ obenu.

Nehemaya 9:23

Wọwẹ ri ru uvwiẹ rayen bu phihọ kerẹ isio re obo odjuvwu, wọ da vwẹ ayen rhe otọ ru wọ ta kẹ esẹ rayen ne ayen ruọ rere ayen vwo.

ỌBE RẸ JOB 35:5

Gbe ni odjivwu na, re wọ mrẹ; ji ni irharheghe na, ri kpenu nọ wẹ na.

Une rẹ Ejiro 147:4

Ọ riẹn unu rẹ isio na, o mu odẹ kẹ ayen ejobi.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Ọbe ri Pọl si rhe Ihwo ri Rom 4:18

Vwẹ iphiẹrohọ o de segbuyota jo rhẹro, rere ọ rhe vwọ dia ọsẹ rẹ ẹgborho buebu; kirobo ra ta kẹ jovwo, Ọtiọye uvwiẹ wẹn cha dia.

Urhi Rivẹ 1:10

Ọrovwohwo, Ọghẹnẹ rẹ ovwan ru ovwan bu phihọ, nighe, nonẹ na, ovwan buru kerẹ isio re obenu,

Urhi Rivẹ 10:22

Ihwo ujorha gbe ihwe esẹ wẹn vẹ ayen gbe kpo Ijipt; Asakiephana Ọrovwohwo Ọghẹnẹ na ru we bu phihọ kerẹ isio rẹ obenu.

Hibru 11:12

Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Joshua 24:3

Etiyin me da reyọ ọse rẹ ovwan Ebraham nẹ obo ovrẹn rẹ Urhie na rhe mi de suo wan otọ ri Kenan ejobi, mi de ru uvwiẹ rọye bu. Me da vwẹ Aizik kẹ;