Jẹnẹsis 15:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ẹkẹvuọvo Ebram da ta, E Ọrovwohwo Ọghẹnẹ, kidie wọ kẹ vwẹ, fikiridie mi ji vwo ọmọ-ọ, ohwo rọ re uku rẹ uwevwi mẹ kẹ Ẹliẹza ri Damaskọs?

Jẹnẹsis 15:2 ပူးပေါင်းရင်းမြစ်များ

Jẹnẹsis 14:15

Vwẹ ason re ayen da ghare oma, te ọye vẹ idibo rọye, ayen de ke ayen phihọ, ayen da vwọ tua ayen re te Hobah, rọ obenu ri Damaskọs.

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Jẹnẹsis 15:3

Ebram da ta, Nighe, wọ je kẹ vwẹ ọmọ-ọ, ọviẹn re vwiẹ vwẹ uwevwi mẹ kọye cha re uku mẹ.

Jẹnẹsis 24:10

Etiyin odibo na da reyọ iyesi ihwe rẹ onini rọye ọ da yanran, ọ da reyọ oghoghẹre rẹ ekuakua ra vwọ phare ọkon mie onini rọye, o de vrẹn ọ da yanran kpo Mẹsopotemia, vwo kpo orere ri Nahọr.

Jẹnẹsis 24:2

Ebraham da ta kẹ odibo rọye, rọ dia ọkpako vwẹ uwevwi rọye, rọ vwẹ ẹro te emu ro vwori ejobi, Phi obọ wẹn phihọ obotọ rẹ ekpoghowọ mẹ,

Jẹnẹsis 25:21

Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun.

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

Jẹnẹsis 43:19

Kọye ayen da yan bru omuemu rẹ uwevwi ri Josẹf na, ayen de nene ta ota vwẹ anurhoro rẹ uwevwi na,

Jẹnẹsis 44:1

Etiyin ọ da vuẹ omuemu rẹ uwevwi rọye nẹ, Kru emu vọn ibo rẹ ihwo na, uche oghwa rẹ ayen sa ghwa, kru igho rẹ ohwo ọvuọvo phihọ ebo rọye,

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Isẹ 13:12

Emu re phi ẹro phihọ nu ra da kparọ ọ nẹrhẹ udu rẹ ohwo mwa ọga, ẹkẹvuọvo obo rẹ ohwo guọnọ ro de se te obọ ọ họhọ urhe rẹ arhọ.

Isẹ 17:2

Ọviẹn ro vwo aghwanre che suẹn ọmọ ro gbe ozighi, o che nene imoni na ghare uku.

Aizaya 17:1

Aruẹmrẹ ra mrẹ kpahe Damaskọs. Nighere, Damaskọs gbe cha dia orere-e, ko che hirhe vwọ ẹko rẹ erhurhu.

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Jerimaya 49:23

Vwọ kpahe Damaskọs Hamat vẹ Apad kpoghore, kidie ayen nyo ikun omiomiovwo re, Ayen ra wran vwẹ evun rẹ oshọ, kerẹ abadi rọ họnran rọ sa fon riẹi.

Iruo rẹ Iyinkọn na 7:5

yẹ ọ vwẹ uku kẹ vwẹ etiyi-in, kaka ichiyi ọvo dede, ẹkẹvuọvo o de ve kẹ nẹ ọye cha reyọ otọ na kẹ kugbe uvwiẹ rọye rọ cha vwẹ obuko, yẹ o ji vwo ọmọ-ọ.

Rutu 2:6

Odibo na rẹ olori rẹ otu re kọrọ eka na da kpahe kẹ, Ọmọtẹ rẹ ihwo ri Moab, rọ vẹ Naomi gbe nẹ orho ri Moab rhe;

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.