Jẹnẹsis 15:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Jẹnẹsis 15:1 ပူးပေါင်းရင်းမြစ်များ

Jẹnẹsis 15:2

Ẹkẹvuọvo Ebram da ta, E Ọrovwohwo Ọghẹnẹ, kidie wọ kẹ vwẹ, fikiridie mi ji vwo ọmọ-ọ, ohwo rọ re uku rẹ uwevwi mẹ kẹ Ẹliẹza ri Damaskọs?

Jẹnẹsis 15:4

Nighe, ota rẹ Ọrovwohwo de bro rhe, Ohwo nana cha dia ọriuku wẹ-ẹn, ọmọ rẹ obọ wẹn re cha dia ọriuku wẹn.

Jẹnẹsis 21:17

Ọghẹnẹ de nyo oviẹ rẹ ọmọ na, Etiyin amakashe rẹ Ọghẹnẹ de se Hagar nẹ obo odjuvwu rhe, ọ da ta kẹ, Die ri kpokpo uwe, Hagar? Wọ djẹ oshọ-ọ, kidie Ọghẹnẹ nyo urhuru rẹ ọmọ na vwẹ asan rọ epha.

Jẹnẹsis 22:1

Rẹ imu nana ejobi vwọ wan nu Ọghẹnẹ da davwe Ebraham ni, ọ da ta kẹ, Ebraham; O de nyo nẹ, Mẹvwẹ na.

Jẹnẹsis 22:20

Ọke rẹ imu nana ejobi vwọ wan nu, a da ta kẹ Ebraham, Nighe, Milkah rhoma rhi vwiẹ emọ kẹ Nahọr rẹ oniọvo wẹn,

Jẹnẹsis 26:24

Ọrovwohwo da vwẹ oma phia kẹ vwẹ ason yena ọ da ta, Mẹvwẹ Ọghẹnẹ rẹ Ebraham rẹ ọsẹ wẹn, wọ djoshọ-ọ, kidie Me vẹ owẹ herọ ki mi bruphihọ kẹ wẹ uvwiẹ wẹn ko bu phihọ fiki rẹ odibo mẹ Ebraham.

Jẹnẹsis 31:7

yẹ ẹkẹvuọvo ọsẹ wẹn ghwa vwẹ re o de wene osa mẹ asiehwe; yẹ Ọghẹnẹ rhọvwere nẹ ọwavwẹ oma-a.

2 Samuẹl 22:3

Ọghẹnẹ mẹ, oragha mẹ, evun wẹ mi de sioma nu, ekpọfia mẹ, vẹ owanre rẹ arhọ mẹ, asan ọgangan mẹ kugbe asan mi de sioma nẹ, osivwi mẹ; wo si vwe nẹ ogidi.

Ivie rẹ Ivẹ 1:15

Kọye amakashe rẹ Ọrovwohwo da ta kẹ Ilaija nẹ, Yan nene kpo otọ, wo jẹ oshọ rọye mu we-e. O de ghinẹ vrẹn yan nene kpo otọ bru ovie na ra,

1 Ikun rẹ Ivie 28:20

Etiyin Devid da ta kẹ Solomọn rẹ ọmọ rọye, Gan oma wo yivwaro wo ruo, Wọ djẹ oshọ-ọ, wo je emu guegue uwe-e; kidie Ọrovwohwo Ọghẹnẹ rọ dia Ọghẹnẹ mẹ na, vẹ owẹ herọ. Ọ phiẹn wẹ-ẹ eyẹ ọ sen wẹ-ẹ, bẹsiẹ rẹ iruo rẹ uwevwi rẹ Ọrovwohwo na ejobi vwo re.

Une rẹ Ejiro 115:10

E uwevwi rẹ Erọn, vwẹ ẹro wẹn so Ọrovwohwo na! Ọye ọchuko rayen kugbe ekpọfia rayen.

Une rẹ Ejiro 119:114

Wọwẹ asan mi de si oma nẹ kugbe ekpọfia mẹ, mi phi ẹro phihọ ota wẹn.

Une rẹ Ejiro 142:5

Mi kperi se we, E Ọrovwohwo; Me tare, Wọwẹ hẹ odjahọ mẹ, ẹkẹn mẹ vwẹ otọ rẹ ihwo ekpokpo

Une rẹ Ejiro 18:2

Ọrovwohwo na oragha mẹ, kugbe egbe mẹ, kugbe osivwi mẹ, Ọghẹnẹ mẹ, oragha mẹ, evun wẹn me da djahe, ekpọfia mẹ, kugbe ighoro re esivwo mẹ, asan ọgangan mẹ.

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 3:3

Ẹkẹvuọvo wẹ, E Ọrovwohwo, ọye ekpọfia mẹ, urinrin mẹ kugbe ọ rọ kpare uyovwi mẹ.

Une rẹ Ejiro 3:4

Me viẹ kperi se Ọrovwohwo, o de nyo vwe nẹ ugbenu ọfuanfon rọye na rhe.

Une rẹ Ejiro 5:12

Kidie wẹ ri brẹba kẹ ọvwata, E Ọrovwohwo; wẹ re vwẹ ehrọre phopho kerẹ ukpo.

Une rẹ Ejiro 58:11

Ihwo ke cha ta, Uyota osa ghene herọ kẹ ọvwata; uyota o vwo Ọghẹnẹ ro guẹdjọ vwẹ akpọ na.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Une rẹ Ejiro 84:9

Nighe ekpọfia rẹ avwanre, E Ọghẹnẹ; ni opharo rẹ ohwo wẹn ra vwẹ evwri ghworo na!

Une rẹ Ejiro 91:4

kọ cha vwẹ udu rhurhu uwe, vwẹ otọ rẹ ibekpe rọye wọ de si oma nu, esegbuyota rọye ọye ekpọfia vẹ egbe.

Ẹyano 14:13

Mosis da ta kẹ ihwo na, Wa djoshọ-ọ, we mudia gan, re wa mrẹ esivwo rẹ Ọrovwohwo na, ro che ru kẹ ovwan nonẹ na, kidie ihwo rẹ Ijipt re wa mrẹ nonẹ na, wa gbe cha mrẹ ayen ọfa-a.

Isẹ 11:18

Ohwo umwemwu osa rẹ ọphiẹnvwe ọye o vwo, ẹkẹvuọvo ohwo rọ kọn omamọ rẹ esiri ughwẹ rọye muero.

Isẹ 30:5

Ota kota rẹ Ọghẹnẹ ejobi uyota re; ọye ekpọfia kẹ ihwo re djẹ gbalọ.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Jerimaya 39:17

Ẹkẹvuọvo mi che sivwi we vwẹ ẹdẹ yena, Ọrovwohwo re tarọ, e se phi we phihọ obọ rẹ ihwo re wọ djẹ oshọ rayen na-a.

Uvwerhe 3:24

“Ọrovwohwo ọye hẹ ẹkẹn mẹ” ọtiọye erhi me tare, fiki rẹ ọtiọye na ki mi phi ẹro phihọ.

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Izikiẹl 11:24

Erhi na de mu vwe kpenu ọ da kẹ vwẹ emramrẹ vwẹ oma rẹ Erhi rẹ Ọghẹnẹ vwẹ obi Kaldia, vwọ kẹ ihwo ri imu na. Etiyin emramrẹ re me mrẹre na de pho vwe wan.

Izikiẹl 3:4

Ọ da ta kẹ vwẹ, Ọmọ rẹ ohwo, yanran, wo kpo uwevwi rẹ Izrẹl na, re wọ ta eta Mẹ vwọ kẹ ayen.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Ukeri 18:20

Ọrovwohwo da ta kẹ Erọn, Wo che vwo uku vwẹ otọ raye-en, eyẹ wo ji vwo ẹkẹn vwẹ uherevie raye-en, mẹvwẹ ẹkẹn kugbe uku wẹn vwẹ uherevie rẹ ihwo rẹ Izrẹl na.

Ukeri 24:4

epha rẹ ohwo ro nyo eta rẹ Ọghẹnẹ, rọ mrẹ aruẹmrẹ rẹ Ọrovwoẹgba, o she teye otọ, ẹkẹvuọvo yẹ ẹro rọye rhie phihọ;

Matiu 28:5

Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ.

Matiu 8:26

Ọ da ta kẹ ayen nẹ, die ovwan vwọ djẹ oshọ, ovwan ri vwo esegbuyota tutuno na? Ọ de vrẹn, ọ da van ku odju na kugbe abadi na, asan ejobi da ghwa fọ riei.

Iyẹnrẹ Esiri ri Luk 1:13

Ẹkẹvuọvo amakashe na da ta kẹ, Zakaraya wọ djẹ oshọ-ọ, kidie enyo ẹrhovwo wẹn, aye wẹn Flizabẹt che vwiẹ ọmọshare, ku wo se odẹ rọye Jọn.

Iyẹnrẹ Esiri ri Luk 1:30

Amakashe na da ta kẹ, Meri, wọ djẹ oshọ-ọ, kidie ivun wẹ vwerhe Ọghẹnẹ gangan.

Iyẹnrẹ Esiri ri Luk 12:32

Wa djẹ oshọ-ọ, imigegede mẹ, kidie evun esiri rẹ Ọsẹ na rọ vwọ vwẹ uvie na kẹ ovwan.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

1 Kọrẹnt 3:22

Ọ dia Pọl eyẹ Apolọs eyẹ Kẹfas eyẹ akpọ na eyẹ arhọ eyẹ ughwu eyẹ ọke nana eyẹ ọke rọ cha, ayen ejobi na ewẹn.

Urhi Rivẹ 18:2

Ayen che vwo ukuẹriọ vwọ uherevie rẹ imoni raye-en, Ọrovwohwo re cha dia ẹkẹn uku rayen, kirobo ro ve kẹ ayen.

Urhi Rivẹ 31:6

Wọ Me gan oma wo vwo udu, wọ djẹ oshọ-ọ eyẹ wọ je ro ẹnwan raye-en; kidie Ọrovwohwo Ọghẹnẹ rẹ ovwan yi nene ovwan yan; ọ sa phiẹn wẹ-ẹ ọ jẹ sen wẹ-ẹ.

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.

1 Samuẹl 15:10

Ota rẹ Ọrovwohwo de bru Samuẹl rhe:

1 Samuẹl 9:9

(Jovwo vwẹ Izrẹl, ọke rẹ ohwo de re duotọ rẹ emu vwẹ obọ rẹ Ọghẹnẹ, ọ me ta, Yanrhe, re kpo obo rẹ ọmrorẹ; kidie ohwo re se ọmraro asakiephana ọmrorẹ e se jovwo.)