Jẹnẹsis 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ oseghe kọ rhe dia vwe uvwre rẹ isuigodẹ rẹ Ebram vẹ isuigodẹ ri Lọt. Ọke yena ihwo ri Kenan kugbe ihwo ri Pẹriz je otọ na.

Jẹnẹsis 13:7 ပူးပေါင်းရင်းမြစ်များ

Jẹnẹsis 10:19

Otọ rẹ ihwo ri Kenan da hẹre nẹ Sodọm vwẹ ẹbẹre ri Gẹra, re te Gaza, vwẹ abọ ri Sidọn, Gomora, Adma kugbe Zẹboiim, rhiri re te Lasha.

Jẹnẹsis 12:6

Ebram de ki otọ na re te asan re se Shikẹm, re te ọhahe ri Morẹh. Vwẹ ọke yena yẹ ihwo ri Kenan ji otọ na.

Jẹnẹsis 21:25

Ọke rẹ Ebraham vwo gu kẹ Abimẹlẹk kpahe orhare rẹ ame rẹ idibo rẹ Abimẹlẹk gborhori.

Jẹnẹsis 26:20

isuigodẹ rẹ ihwo ri Gẹra vẹ erẹ Aizik ke ghwọ, tanẹ, Ame na ọ rẹ avwanre. Kọye o de se odẹ rẹ orhare na Esek, kidie ayen ghwọ gbe.

Jẹnẹsis 34:30

Etiyin Jekọp da ta kẹ Simiọn vẹ Livae nẹ, Ovwan so okpetu kẹ vwẹ nure, odẹ mẹ ko che gbo hwe ihwo rẹ otọ na, ihwo ri Kenan kugbe Pẹriz, mi buru rẹ, ayen de se otu rhe họnre ovwẹ, kẹ ayen ghwọrọ ovwẹ, te omẹvwẹ te uwevwi mẹ.

Jẹnẹsis 46:34

ku wo tanẹ, Idibo wẹn eranvwe ichurẹ nẹ ọke-emọ rhe ri te ọke na, te avwanre te ese rẹ avwanre, rere wa mrasa dia otọ ri Goshẹn na, kidie osuigodẹ kosuigodẹ ẹgua kẹ ihwo rẹ Ijipt.

Nehemaya 5:9

Etiyin me da ta, Obo rẹ ovwan ruẹ na yovwiri-i. O rhe fo rere ovwan yan vwẹ oshọẹdjẹ rẹ Ọghẹnẹ rẹ avwanre rere e vwọ nabọ rẹ ehwẹjẹ rẹ ivwighrẹ rẹ avwanre ihwo re ẹgborho ẹga na?

Ẹyano 2:17

Isuigodẹ na da rhe re djẹ ayen yanran; ẹkẹvuọvo Mosis vrẹnri ọ da ra cha ayen uko, ọ da vwẹ ame kẹ uchuru rayen.

Isẹ 20:3

Ohwo ro tephe kẹ ohọnre mu oma rọye phihọ ọghọ, ẹkẹvuọvo ẹkpa kẹkpa djẹ ẹghwọ eghwọ.

Iyẹnrẹ Esiri ri Mak 3:25

Uwevwi da ghare omaobọ rọye uwevwi yena se mudia-a.

1 Kọrẹnt 3:3

Kidie yẹ ovwan je hẹ ugboma. Kidie rẹ omaẹriọ vẹ oseghe vwọ hẹ ohri rẹ ovwan na, ovwan rha dia ọ rẹ ugboma, ri yerẹ zighi zighi kerẹ ihwo diodi?

Galesha 5:20

ẹdjọ ẹgọ, orhan, ohọnre vẹ ẹghwọ, ohẹriẹ, evun ephuo, ophuemuo, mẹvwẹ marho, emuo kpahe ihwo ride, uyono rẹ efian,

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

1 Tẹsalonaika 4:12

Rere ihwo rẹ obo ada vwo mu ọghọ kẹ ovwan, ovwan vwẹ ẹro so ohwo-o.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Jems 3:16

Kidie asan rẹ omẹriọ vẹ ohẹriẹ epha, ozighi vẹ uruemu ọbrabra a mrẹ vwẹ etiyin.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.