Jẹnẹsis 13:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 13:16 ပူးပေါင်းရင်းမြစ်များ

Jẹnẹsis 15:5

Ọ da reyọ rhe otafe ọ da ta, Gbe ni enu na, ru wo keri isio na, su wo se kere ayen. Etiyin ọ da ta kẹ, Ọtiọye uvwiẹ wẹn cha dia.

Jẹnẹsis 16:10

Amakashe rẹ Ọrovwohwo na da je ta kẹ, Mi che ru uvwiẹ wẹn buebu gangan re de je se kere.

Jẹnẹsis 17:16

Ke Me nẹ ẹrhovwo kẹ, ọ rọ marho ke Me kẹ ọmọ vwiẹ kẹ wẹ; ki mi bruphihọ kẹ, ko dia oni rẹ ẹgborho buebu; ivie rẹ ihwo ki nẹ agada rọye rhe.

Jẹnẹsis 17:2

Ke Me vẹ owẹ re ọphọ, ku wo vwiẹ buebu gangan.

Jẹnẹsis 17:20

Vwọ kẹ Ishmael, mi nyo we; nighe, mi bruphihọ kẹ, kọ dia ọmiọvwọ ko ji bu gangan; kọ dia isun ihwivẹ, kọ dia ẹgborho rode.

Jẹnẹsis 17:6

Mi ru we vwọ dia ọgbọmiọvwọ, ẹgborho ride ki nẹ agada wẹn rhe, ivie ki nẹ oma wẹn rhe.

Jẹnẹsis 18:18

ye Me mrẹre nẹ Ebraham cha rho ri hirhe ẹgborho rode, rẹ ẹgborho rẹ akpọ na ejobi da wan oma rọye vwo ebruphihọ?

Jẹnẹsis 21:13

Ki mi ji ru rere ẹgborho vwo nẹ oma rẹ ọmọ rẹ aye rẹ ọviẹn na rhe, fikiridie ọmọ obọ wẹn oruẹ.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 28:14

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

Jẹnẹsis 32:13

Kọye o de mu erhọ phihọ Etiyin ason yena, ọ da phare ọko vwo rhe Isọ rẹ oniọvo rọye,

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 46:3

Etiyin ọ da ta, Mẹvwẹ Ọghẹnẹ, Ọghẹnẹ rẹ ọsẹ wẹn, wọ djẹ oshọ ri wo vwo kpo Ijipt na-a, kidie Me dia oboyin ru we phihọ ẹgborho rode.

1 Ivie 3:8

Odibo wẹn ọ hẹ uherevie rẹ ihwo re wọ jẹreyọ, ihwo buebu, re je se kere kidie urogho.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

Ivie rẹ Ivẹ 13:23

Ẹkẹvuọvo Ọrovwohwo da vwẹ aroesiri vwo ni ayen, o de ni aruẹdọn rayen, o de rhivwi bru ayen rhe vwi fiki rẹ ọphọ rẹ ọ vẹ Ebraham, vẹ Azik kugbe Jekọp gba re, nẹ ọye gbe ghwọrọ aye-en, ọ rha djẹ ayen nẹ oma rhiri te nonẹ na-a.

1 Ikun rẹ Ivie 21:5

Joab da vwẹ unu rẹ ihwo ro keri kẹ Devid. Ayen ejobi da dia oduduru ọvo kugbe uriori iyori rẹ eshare re vwẹ ọlọkọ họnra, vwi Juda uriori ujori ẹne gbẹ ujorha gbẹ ihwe rẹ ihwo re vwẹ ọlọkọ họnra.

1 Ikun rẹ Ivie 27:23

Devid kere ihwo ri te ikpe uje-e, fikiridie Ọrovwohwo veri nẹ ọye ru Izrẹl bu kerẹ isio re hẹ obenu.

2 Ikun rẹ Ivie 1:9

E Ọrovwohwo Ọghẹnẹ, gbe ru ive ru wo ve kẹ Dẹvid rẹ ọsẹ mẹ gba vwẹ asakiephana, kidie wọ vwẹ ovwẹ mu ovie vwẹ enu rẹ ihwo re pha buebu kerẹ ibiekpẹn rẹ otọ na.

ỌBE RẸ JOB 5:25

Wo je cha riẹn nẹ uvwiẹ wẹn che buẹ gangan, emọ wẹn kerẹ odi rẹ otọ na.

Ẹyano 1:7

Ẹkẹvuọvo emọ rẹ Izrẹl de vwiẹ i de bu phiyọ; ayen da rho phiyọ, ayen de reghe asan na eje, ayen da vọn otọ na.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Ukeri 23:10

Ono ri se kere ibiekpẹn rẹ otọ ri Jekọp, eyẹ se keri ẹkẹn ẹne rẹ Izrẹl? Jẹn uvwe ghwu ughwu rẹ ọvwata, rere oba mẹ họhọ Ọtiọye!

Urhi Rivẹ 1:10

Ọrovwohwo, Ọghẹnẹ rẹ ovwan ru ovwan bu phihọ, nighe, nonẹ na, ovwan buru kerẹ isio re obenu,

Hibru 11:12

Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,

Iguẹdjọ 6:3

Kidie ọke rẹ ihwo rẹ Izrẹl da kọn ekankọn phihọ otọ nu ihwo ri Midian kugbe ihwo rẹ Amalẹk vẹ ihwo re dia obaro rẹ ọnre na Me kpare ohọnre bru ayen rhe;

Iguẹdjọ 6:5

Fikiridie ayen vẹ uchuru rẹ ayen kugbe itughẹ rẹ ayen, Me ghwiẹ rhe kerẹ otu rẹ ebaka re se keri-i ayen kugbe iyesi buebu re se keri-i, ayen Me rhe guọghọ otọ na fiotọ.