Jẹnẹsis 13:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 13:13 ပူးပေါင်းရင်းမြစ်များ

Jẹnẹsis 10:9

Ọ da dia ọgban rẹ ibefii rode vwẹ obaro rẹ Ọrovwohwo, fiki rẹ ọtiọye kọye a vwọ tanẹ, Kiri Nimrọd ọgban rẹ ibefi rode vwẹ obaro rẹ Ọrovwohwo.

Jẹnẹsis 15:16

Vwẹ orua rẹ ẹne kẹsiẹye aye ki che rhivwi rhe, fikiridie orukuruku rẹ ihwo rẹ Amọr je gba-a.

Jẹnẹsis 18:20

Etiyin Ọrovwohwo da ta kẹ, Kidie ekuvwie rẹ edo ri Sodọm vi Gomora ọ rhoro gangan umwemwu rayen brare gangan,

Jẹnẹsis 19:13

fikiridie avwanre cha ghwọrọ etinẹ na, kidie edo rẹ orukuruku rẹ ihwo nana rhi duvwu erhọ rẹ Ọrovwohwo, Ọrovwohwo kọye ri ji avwanre rhe re ghwọrọ na.

Jẹnẹsis 38:7

Ẹkẹvuọvo Ẹr rẹ ọwanra ri Juda, da dia ohwo umwemwu vwẹ obaro rẹ Ọrovwohwo; Ọrovwohwo de hwe.

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

Jẹnẹsis 6:11

Akpọ na de rhi gbeku vwẹ obaro rẹ Ọghẹnẹ, akpọ na ke je vọn vẹ ozighi.

Ivie rẹ Ivẹ 21:6

Ọ da vwẹ ọmọ rọye vwo ze izobo, o de yono arọẹmrẹ vẹ epha, ọ vẹ idiẹbo te eriedan ki ruẹ kugbe. Ọ de ru obo re chọre gangan vwẹ obaro rẹ Ọrovwohwo, ọ da nẹrhẹ Ọrovwohwo mu ophu.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 23:24

Ohwo se si oma nu vwẹ asan rọ djahere mi de jẹ mrẹ, eriyin Ọrovwohwo tare. Ọ dia mẹvwẹ re ghwẹ odjuvwu vẹ akpọ na vọn eriyin Ọrovwohwo tare.

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

Matiu 9:10

Ọke rhi vwo te, ro vwo tidia udemu vwẹ uwevwi rọye, nighe imiarhọghọ buebu kugbe iruimwemwu vẹ ọye de tidia kugbe idibo rọye.

Matiu 9:13

Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

Iyẹnrẹ Esiri ri Jọn 9:24

Ọtiọye ayen da rhoma se ọ ro rhuẹro jovwo na, ayen da ta kẹ, Gba vwẹ ejiro kẹ Ọghẹnẹ; avwanre riẹnre nẹ ohwo nana oruimwemwu.

Iyẹnrẹ Esiri ri Jọn 9:31

Avwanre riẹnre nẹ Ọghẹnẹ kerhọn rẹ iruimwemwu-u, ẹkẹvuọvo ọ da dianẹ ohwo ga Ọghẹnẹ ro de ru ọhọre rọye, Ọghẹnẹ kọ kerhọn rọye.

Ọbe ri Pọl si rhe Ihwo ri Rom 1:27

ẹkẹvuọvo ekpuyovwi rẹ eshare na gbobọnyẹ eya rẹ ayen bru ra ke fian nene eshare jẹ oma vo aye-en osa rẹ oruchọ rẹ ayen ruru kọye a hwa kẹ ayen.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

1 Samuẹl 15:18

Ọrovwohwo de ji we uwevwi, ọ da ta, Yanran, wọ ra guọghọ iruimwemwu na tototo, ihwo rẹ Amalẹk na, ru wọ họnre aye rhiri bẹsiẹ wo vwo hwe ayen re.

1 Samuẹl 2:17

Enẹ kọye umwemwu rẹ imighele na rhe vwọ rho gangan vwẹ obaro rẹ Ọrovwohwo. Kidie ihwo na da vwẹ izobo rẹ Ọrovwohwo na gbotọ.