Jẹnẹsis 13:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Jẹnẹsis 13:10 ပူးပေါင်းရင်းမြစ်များ

Jẹnẹsis 11:27

Enana keye uvwiẹ ri Terah. Terah ọye ọsẹ rẹ Ebram, Nahọr kugbe Haran; Haran kọye ọsẹ ri Lọt.

Jẹnẹsis 13:11

Lọt ke jẹ ushekpotọ ri Jọdan na kẹ oma rọye, Lọt de nene obọrhe, kọye ayen da hẹriẹ oma nẹ ohwohwo

Jẹnẹsis 13:9

Ọ dia otọ na ejobi ri obaro wẹ na-a? Hẹriẹ oma wẹn nu vwe. Wo de kpo obọrhe, ki mi kpo obọhwẹre, eye wo de kpo obọhwẹre, ki mi kpo obọrhe.

Jẹnẹsis 14:2

ivie nana da kpare ofovwi bru Bera ovie ri Sodọm, Birsha ovie ri Gomora, Shinab ovie rẹ Adma, Shimeba ovie ri Zeboim, kugbe ovie ri Bẹla (kọye Zoar)

Jẹnẹsis 14:8

Etiyin ovie ri Sodọm, ovie ri Gomora, ovie ri Adma, ovie ri Zeboim, kugbe ovie ri Bẹla (kọye Zoar), ayen da yan phia ra gbara oma vwẹ ushekpotọ ri Sidim

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Jẹnẹsis 47:6

Otọ rẹ Ijipt na ejobi obọ wẹn ọ epha; jẹn ọsẹ wẹn vẹ emesẹ wẹn dia asan ro Me yovwi vwẹ otọ na; jẹn ayen dia otọ ri Goshẹn, wọ da rha mrẹ ohwo rọ ganre vwẹ usun rayen, gbe jọ vwẹ ẹro te eranvwe mẹ.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

1 Ivie 7:46

Vwẹ uphephẹ ri Jọdan ọye ovie na ku ayen phihọ, vwẹ otọ rẹ ophiẹn rọ hẹ uvwre ri sukọt vẹ Yaretan.

ỌBE RẸ JOB 40:23

Nighere, urhie da họnra oshọ muo-o, udu rọye koi ọ da dianẹ ọkere ri Jọdan djẹ ro unu rọye.

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Jerimaya 48:34

Hẹsbọn vẹ Elealeh kperi phia, rhiri re te obi Jaza yẹ ayen ji kperẹ urhuru rayen, nẹ Zoa re te Họrọnaim vẹ Eglatshelishiya. Kidie ame ri Nimrim je kpọ nure.

Izikiẹl 16:46

Oniọvo wẹn rẹ ọmọtẹ ki Sameria, rọ vẹ emetẹ rọye dia ọbohwẹre-ọnre wẹn na, oniọvo wẹn rẹ ọmọtẹ rẹ otete rọ dia obọrhe ọnre wẹn, ọye Sodọm vẹ emetẹ rọye.

Izikiẹl 16:49

Nighe, Ọnana abe rẹ oniọvo wẹn rẹ ọmọtẹ Sodọm: te ọye vẹ emetẹ rọye muẹ oma kpenu, ayen vwo emuọre buebu, akpọ yovwẹ ayen, ẹkẹvuọvo yẹ ayen cha ivwiogbere rẹ akpọ bẹn uko-o.

Izikiẹl 28:13

Obo Idẹn wọ epha, udju rẹ Ọghẹnẹ na; oragha koragha ro yovwiri ejobi e vwo rhurhu we, kanelia, topaz, kugbe jasper, krisol, beril, kugbe onix, safaya, carbuncle, emerald; ra vwẹ oro ru ọye ẹghwẹphihọ o wẹn vẹ ona re bru phihọ owẹ. Vwẹ ẹdẹ ra ma wẹ na ọye a rhuẹrẹ ayen phihọ.

Izikiẹl 31:8

Igedu rọ hẹ udju rẹ Ọghẹnẹ sa vwanvwọ-ọn, eyẹ owangha rho te abọ rọye-e, irhe na kẹ emu diodi kẹ ra da vwẹ ayen dje abọ rọye, o vwo urhe vwẹ udju rẹ Ọghẹnẹ na re vwo dje vwẹ erhuvwu-u.

Izikiẹl 31:9

Me marọ yoyovwi vẹ abọ rọye re pha jigbi na, irhe rẹ Idẹn ejobi ke rioma kpahọ e re hẹ evun rẹ udju rẹ Ọghẹnẹ na.

Izikiẹl 47:18

Vwẹ abọ rẹ obaro ọnre, ughwru na kọ djẹ nẹ Hazarenọn vwẹ uvwre ri Hauran vi Damaskọs; vwẹ oma rẹ urhie ri Jọdan vwẹ uvwre ri Gilead vẹ otọ rẹ Izrẹl, re te abadi rọ hẹ obaro ọnre rhiri re te Tamar. Ọnana kọ dia abọ rẹ obaro ọnre.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.

Urhi Rivẹ 34:3

ubrakpọ ri Nẹgẹb na, kugbe Uphẹphẹ na, rọ dia iyara ri Jeriko orere rẹ iriẹ na, re te Zua.