Jẹnẹsis 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 12:7 ပူးပေါင်းရင်းမြစ်များ

Jẹnẹsis 12:8

O de vrẹn nẹ Etiyin vwo kpo enu rẹ ugbenu rọ obọrhe ri Bẹtẹl, ọ da bọn utughẹ rọye, yi Bẹtẹl obọhwere, Ai da rha obọrhe; Etiyin ọ da so agbada kẹ Ọrovwohwo o de se odẹ rẹ Ọrovwohwo na.

Jẹnẹsis 13:15

kidie otọ na ejobi re wọ mrẹ na Me vwẹ ayen kẹ wẹ kugbe uvwiẹ wẹn bẹdẹ.

Jẹnẹsis 13:17

Vrẹn, yan nene ugrogro rẹ otọ na te ohẹhẹre rọye, kidie wẹn Me vwọ kẹ.

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

Jẹnẹsis 13:4

re te asan rẹ Ebram ka so agbada phihọ ẹsosuọ na; Ebram de se odẹ rẹ Ọrovwohwo vwẹ Etiyin.

Jẹnẹsis 15:18

Vwẹ ẹdẹ yena Ọrovwohwo vẹ Ebram da re ọphọ tanẹ, Uvwiẹ wẹn Me vwẹ otọ nana kẹ, nẹ urhie rẹ Ijipt re te urhie rode na, urhie ri Yufretis.

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 17:3

Ebram de she bọvwọ opharo rhuotọ, Ọghẹnẹ da ta kẹ,

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Jẹnẹsis 18:1

Ọrovwohwo da vwẹ oma phia kẹ vwẹ oma rẹ ọhahe ri Mamre, ro vwo tidia anurhoro rẹ utughẹ rọye vwẹ oghẹruvo na.

Jẹnẹsis 22:9

Ọke rẹ ayen rhi vwo te asan rẹ Ọghẹnẹ ta kẹ na, Ebraham da so agbada vwẹ Etiyin, ọ da rhuẹrẹ irhe na phihọ, ọ da gba Aizik rẹ ọmọ rọye na o de muo kpahe enu rẹ agbada na, rọ enu rẹ irhe na.

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Jẹnẹsis 26:25

Etiyin ọ da so agbada o de se odẹ rẹ Ọrovwohwo, ọ da ghwa fa ọko phihọ Etiyin. Idibo rẹ Aizik da tọn orhare vwọ asan na.

Jẹnẹsis 26:3

Dia ukane wẹn vwe otọ nana, ki mi nene uwe dia, ki mi bruba kẹ wẹ; kidie vwọ kẹ wẹ vẹ uvwiẹ wẹn Me cha vwẹ etọ nana kẹ, ki mi ru ive ri mi veri kẹ Ebraham rẹ ọsẹ wẹn gba.

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

Jẹnẹsis 28:4

Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

Jẹnẹsis 32:30

Jekọp de se odẹ rẹ asan na Peniel, nẹ, Fikiridie Me mrẹ Ọghẹnẹ opharo ye emuọvo ru vwee.

Jẹnẹsis 33:20

Ọ da so agbada phihọ Etiyin o de se odẹ rọye El-Elohe Izrẹl.

Jẹnẹsis 35:12

Otọ re Me vwọ kẹ Ebraham, kugbe Aizik ke Me je vwẹ ayen kẹ wẹ, ke Me vwẹ otọ na kẹ emọ wẹn re cha vwẹ obuko wẹ.

Jẹnẹsis 35:7

ke Etiyin ọ da so agbada, o de se odẹ rẹ asan na El-Bẹtẹl, kidie Etiyin Ọghẹnẹ da vwẹ oma nẹ rọ vwọ djẹ nẹ obọ rẹ oniọvo rọye.

Jẹnẹsis 50:24

Josẹf da ta kẹ emesẹ rọye, Mi che ghwu reọ, ẹkẹvuọvo Ọghẹnẹ che bru ovwan rhe, rọ da reyọ ovwan nẹ otọ nana vwo kpo otọ re veri kẹ Ebraham, Aizik, kugbe Jekọp.

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

2 Samuẹl 24:25

Devid da so agbada phihọ etiyin kẹ Ọrovwohwo, o de ze izobo rẹ ẹtorhẹ vẹ ọ rẹ ufuoma kẹ. Ọye Ọrovwohwo da rhọvwe orẹ vwọ kẹ otọ na, o de si ọga na nẹ Izrẹl.

1 Ivie 18:32

ibieragha na ke eye ọ vwọ so agbada vwẹ odẹ rẹ Ọrovwohwo na. ọ da tọn ukpotọ riariẹ agbada na phihọ, hẹhẹre kerẹ ẹrhẹ ọnẹ ivẹ.

1 Ikun rẹ Ivie 16:16

Ọphọ rọ vẹ Ebraham rere iveve ro veri kẹ Aizik,

1 Ikun rẹ Ivie 16:18

Ọ tanẹ, Wẹ me vwẹ otọ ri Kenan kẹ nẹ ọ dia ẹkẹn uku wẹn.

2 Ikun rẹ Ivie 20:11

Nighe, osa rẹ ayen hwa kẹ avwanre kọye ẹcha nana rẹ ayen rhere rhe djẹ avwanre nẹ ughwẹ rẹ avwanre re wọ vwọ kẹ avwanre vwo reuku na.

2 Ikun rẹ Ivie 20:7

Ọ dia owẹ-ẹ, E Ọghẹnẹ rẹ avwanre, re djẹ ihwo re ka dia otọ nana no vwọ kẹ ihwo wẹn Izrẹli-i, wo de siobọ no bẹdẹ kẹ uvwiẹ rẹ Ebraham ugbeyan wẹn na?

Ezra 3:2

Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.

Ẹyano 17:15

Mosis da so agbada o de se odẹ rọye, Ọrovwohwo aphiana mẹ,

Ẹyano 24:4

Mosis de si eta rẹ Ọrovwohwo na ejobi. O de vrẹn vwẹ irhiọke ride, ọ da so agbada phihọ esiri rẹ ugbenu na, vẹ ichivwo ihwivẹ, kirobo rẹ orua ihwivẹ rẹ Izrẹl epha.

Ẹyano 32:13

Karohọ Ebraham, Aizik vẹ Izrẹl, idibo wẹn, ihwo re wọ vwẹ oma wẹn duvwu iyori kẹ, wọ da ta kẹ ayen, Mi ru uvwiẹ wẹn bu kerẹ isio rẹ obenu na, otọ nana ejobi ri mi ve kẹ wẹ na ke Me vwọ kẹ ikru wẹn, kẹ ayen riuku rọye bẹdẹ.

Ẹyano 33:1

Ọrovwohwo da ta kẹ Mosis, Vrẹn nẹ etinẹ kpo obenu wẹ vẹ ihwo re wọ reyọ nẹ otọ rẹ Ijipt rhe na, vwo kpotọ ri mi ve kẹ Ebraham, Aizik, vi Jekọp, tanẹ, wẹ vẹ uvwiẹ wẹn ọye me vwe rọ kẹ.

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

Ẹyano 6:4

Me vẹ ayen da re ọphọ, nẹ me vwẹ otọ rẹ Kenan na kẹ ayen, otọ rẹ ayen da dia erhorha na.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Ukeri 26:53

Enana keye a cha ghare otọ na kẹ vwọ riuku kirobo rẹ odẹ rọye epha.

Ukeri 32:11

Omuẹro nẹ usun rẹ ihwo nana ri nẹ Ijipt rhe na, nẹ ẹgbukpe uje kpenu yanran, cha sa mrẹ otọ re veri kẹ Ebraham, Aizik, kugbe Jekọp na-a, fikiridie ayen vwẹ udu rẹ ayen ejobi nene uvwe-e;

Iruo rẹ Iyinkọn na 7:5

yẹ ọ vwẹ uku kẹ vwẹ etiyi-in, kaka ichiyi ọvo dede, ẹkẹvuọvo o de ve kẹ nẹ ọye cha reyọ otọ na kẹ kugbe uvwiẹ rọye rọ cha vwẹ obuko, yẹ o ji vwo ọmọ-ọ.

Ọbe ri Pọl si rhe Ihwo ri Rom 9:8

Kọye ọ dia emọ rẹ ugboma na hẹ emọ rẹ Ọghẹnẹ-ẹ, ẹkẹvuọvo emọ rẹ ive na eye e keri phihọ uvwiẹ kẹ.

Galesha 3:16

Asakiephana e ve ive na kẹ Ebraham vẹ uvwiẹ rọye. Ọ dianẹ kọ tare nẹ, ivwiẹ-ẹ, kerẹsiẹ ra mrẹ nẹ ibuebu-u; ẹkẹvuọvo, ọvuọvo ọ ọtare, “Uvwiẹ wẹn”, Kọye hẹ Kristi.

Galesha 4:28

Asakiephana, imoni, avwanre kerẹ Aizik, kẹ emọ rẹ ive.

Urhi Rivẹ 1:8

Nighe, mi phi otọ rẹ Ọrovwohwo ve kẹ esẹ rẹ ovwan, kẹ Ebraham, Aizik, kugbe Jekọp, nẹ ọye vwọ kẹ ayen vẹ emọ rẹ ayen che vwiẹ.

Urhi Rivẹ 30:20

vwọ guọnọ Ọrovwohwo Ọghẹnẹ, kerhọ rẹ urhuru rọye wọ je gba oma wẹn muo kidie, ọye vwẹ arhọ kugbe ẹdẹ ogrogro kẹ ovwan, re wọ sa dia otọ rẹ Ọrovwohwo veri kẹ esẹ rẹ ovwan, kẹ Ebraham kẹ Aizik, kugbe Jekọp, nẹ ọye vwọ kẹ ayen.

Urhi Rivẹ 34:4

Ọrovwohwo da ta ke, Ọnana otọ ri mi ve kẹ Ebraham, kẹ Aizik, kugbe Jekọp, Me vwọ kẹ esakpegodi wẹn. Mi ju we vwẹ ibiẹro wẹn mrẹ nure, yẹ ẹkẹvuọvo wọ cha sa wan vrẹn rẹ te oboyi-i.

Urhi Rivẹ 6:10

Vwẹ ọke rẹ Ọrovwohwo Ọghẹnẹ wẹn da cha vwẹ owẹ te otọ ro ve kẹ esẹ rẹ ovwan Ebraham vẹ Aizik kugbe Jekọp, nẹ ọye vwọ kẹ ovwan, irere ride vẹ irere iyoyovwi na, e rẹ ovwan bọnre-e na;

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

Hibru 11:13

Enana ejobi na ghwuru vwẹ evun rẹ esegbuyota rayen, yẹ ive re ve kẹ ayen na ji te ayen obọ-ọ, ẹkẹvuọvo rẹ ayen vwọ mrẹ ayen de yenre vwẹ ogboko, ayen da rhọvwe nẹ ayen ghine hẹ erhorha re hẹ imu vwẹ akpọ na.

Hibru 11:8

Vwẹ esegbuyota Ebraham vwo mu ọghọ vwẹ ọke re vwo se kpo asan rọ ra reyọ vwọ reuku na; ọ da yanran, yọ riẹn obo ro vwo gbe-e.

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 22:10

Ọke rẹ ayen rhi vwo te ubrakpọ ri Jọdan, ro fi otọ ri Kenan, ihwo ri Rubẹn vẹ ihwo ri Gad kugbe abọvo rẹ orua ri Manasse da so agbada pliho oma ri Jọdan, agbada rode gangan.

Joshua 8:30

Etiyin Joshua da so agbada phihọ Ugbenu rẹ Ebal kẹ Ọrovwohwo, Ọghẹnẹ rẹ Izrẹl,

Iguẹdjọ 6:24

Etiyin Gidiọn da bọn agbada ọvo kẹ Ọrovwohwo na, o de muo odẹ kẹ nẹ, Ọrovwohwo Ufuoma. Asan na je herọ vwi Ọfra, rẹ ihwo rẹ Abiẹza rhi te ẹdẹ ri nonẹ.

1 Samuẹl 7:17

Ọ mi rhe rhivwi rhe Ramah, kidie etiyin uwevwi rọye epha, kẹ etiyin o de suẹn Izrẹl. Ọ da so agbada kẹ Ọrovwohwo vwẹ Etiyin.