Jẹnẹsis 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ki mi bruba kẹ ihwo ri bruba kẹ wẹ, oro harhe owẹ ke Me harhọ; vwẹ oma wẹn irere rẹ akpọ na ejobi de vwo ebruphihọ kẹ oma rayen.

Jẹnẹsis 12:3 ပူးပေါင်းရင်းမြစ်များ

Jẹnẹsis 18:18

ye Me mrẹre nẹ Ebraham cha rho ri hirhe ẹgborho rode, rẹ ẹgborho rẹ akpọ na ejobi da wan oma rọye vwo ebruphihọ?

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Jẹnẹsis 22:18

vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

Jẹnẹsis 24:35

Ọrovwohwo nabọ bruphihọ kẹ onini mẹ gangan, kẹ okpohwo rode, ọ vwẹ uchuru kẹ vẹ ekru rẹ eranvwe, idọnọ efuanfon vẹ iro, idibo rẹ eshare kugbe erẹ eya, iyesi kugbe ekẹtẹkẹtẹ.

Jẹnẹsis 25:11

Rẹ Ebraham vwo ghwunu Ọghẹnẹ de bruphihọ kẹ Aizik rẹ ọmọ rọye. Aizik da dia Beer-lahai-roi.

Jẹnẹsis 26:29

nẹ wo kpokpo avwanre-e, kirobo rẹ avwanre vwẹ obọ te we-e, Me ji ru we emuọvo-o jokpa rẹ uyoyovwi avwanre ki rhe siobọ nẹ uwe kpo egberhẹnẹdẹ. Asakiephana wẹ kẹ ohwo rẹ Ọrovwohwo bruphihọ kẹ.

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

Jẹnẹsis 28:14

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

Jẹnẹsis 30:27

Ẹkẹvuọvo Laban da ta kẹ, Wọ da rhọvwe kẹ vwẹ ne Me ta ọtiọye, ke Me ta nẹ a mraro kẹ vwẹ ni fiki wẹ ọye Ọrovwohwo vwo bruphihọ kẹ vwẹ,

Jẹnẹsis 30:30

Kidie uchuru wẹn pha tutuno vwẹ ọke re Me vwọ rhe, nẹ ọke yena rhe na i de bu gangan, Ọrovwohwo de bruphihọ kẹ wẹ vwi kabọ kabọ. Asakiephana kẹ ọke vọ Me rha vwọ wian kẹ omobọ mẹ?

Jẹnẹsis 39:5

Ghwe ne ọke re vwo mu osun rẹ uwevwi rọye kugbe obo ro vwori ejobi, Ọrovwohwo de bruphihọ uwevwi rẹ ohwo rẹ Ijipt na fiki ri Josẹf, ebruphihọ rẹ Ọrovwohwo da enu rẹ emu ro vwori ejobi, te uwevwi te ẹghwa.

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Ẹyano 23:22

Ẹkẹvuọvo wọ da vwẹ oma kpotọ wo de ru obo re me tare ejobi, ke me dia ovweghrẹ kẹ lvwighrẹ wẹn ukọn vwọ kẹ ihwo ri mu kpahe owẹ.

Ukeri 24:9

O fiọnko, o rhuẹri kerẹ okpohrokpo, kerẹ okpohrokpo rẹ aye, kono re sa rhọvwọ? Ebruba kẹ ohwo kohwo ro bruba kẹ wẹ, ekan kẹ ohwo kohwo rọ harhe owẹ.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

Matiu 25:45

Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Ọbe ri Pọl si rhe Ihwo ri Rom 4:11

Ọ da reyọ oyanvwe na kerẹ oka kọye iseri rẹ ọvwata rọye ro vwori vwi fiki rẹ esegbuyota vwẹ ọke rọ je yanvwe-e. Rere ọ vwọ sa dia ọsẹ rẹ ayen ejobi ri segbuyota jẹ eyanvwere-e re kere phihọ ọvwata kẹ ayen.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Galesha 3:16

Asakiephana e ve ive na kẹ Ebraham vẹ uvwiẹ rọye. Ọ dianẹ kọ tare nẹ, ivwiẹ-ẹ, kerẹsiẹ ra mrẹ nẹ ibuebu-u; ẹkẹvuọvo, ọvuọvo ọ ọtare, “Uvwiẹ wẹn”, Kọye hẹ Kristi.

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Kolose 3:11

Asan ro vwo ofẹnẹ-ẹ, o vwo Grik eyẹ Ju-u, oyanvwe eyẹ ijẹyanvwọ-ọ, Ivwevwe, Sintian, ọviẹn, ọmuvwiẹ, ẹkẹvuọvo Kristi hẹ emu ejobi, ọye ri vwo emu ejobi.

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,