Jẹnẹsis 11:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọrovwohwo da ta, Nighe, ayen ohwo ọvo, ayen ki rhe vwo ephẹrẹ ọvo, Ọnana kẹ ẹtuọhọ rẹ emu rẹ ayen che ru: o gbi vwo emu ọvuọvo rẹ ayen guọnọ ru rọ cha bẹn ayen eruo-o.

Jẹnẹsis 11:6 ပူးပေါင်းရင်းမြစ်များ

Jẹnẹsis 11:1

Asakiephana akpọ na ejobi kẹ ephẹrẹ ọvo kugbe emeta tutuno.

Jẹnẹsis 3:22

Ọrovwohwo Ọghẹnẹ da ta, Nighe, ohwo rhoma rhe họhọ ọvo rẹ avwanre re, rọ riẹn erhuvwu vẹ umiovwo re, Asakiephana, a da fọ ke, ọ cha riẹn obọ rọye rhe ọ da je rhe reyọ omamọ rẹ urhe rẹ arhọ na, ọ da riọ, ọ da rhe dia bẹdẹ.

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Jẹnẹsis 9:19

Enana erha na keye emọ ri Noa; enana erha na keye ri vwiẹ akpọ na soso.

1 Ivie 18:27

Vwẹ oghẹruvo Ilaija da vwẹ ayen jehwẹ, tanẹ, Van gan kidie ẹdjọ o ruẹ; ọkẹọvo jẹ oma ra vwerhọ eyẹ ọ ghwẹ oma phihọ akakọ, eyẹ o kpo asan eyẹ ọkeọvo yọ vwerhẹ ka rhọvwọ.

Aghwoghwo 11:9

Ghọghọ, E, emeghene, vwẹ ọke rẹ ọmoha wẹn, jẹn oma vwerhe udu wẹn vwẹ ọke rẹ ọmọha wẹn; yan vwẹ idjerhe rẹ udu wẹn vẹ orẹmrẹ rẹ ẹro wẹn na. Ẹkẹvuọvo wọ me riẹn nẹ vwẹ evun rẹ emu nana ejobi na Ọghẹnẹ cha reyọ owẹ vwo guẹdjọ.

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Iyẹnrẹ Esiri ri Luk 1:51

Ọ vwẹ ogangan rẹ obọ rọye phia, ọ hra eheri rẹ udu rẹ ihwo ofefe,

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.