Jẹnẹsis 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

Jẹnẹsis 11:4 ပူးပေါင်းရင်းမြစ်များ

Jẹnẹsis 6:4

Yi Nẹfilim evun rẹ akpọ vwẹ ọke yena, kọye vwẹ ukuko rọye re, rẹ emọ rẹ Ọghẹnẹ vwo bru emetẹ rẹ ihwo rẹ akpọ rhire, i de vwiẹ emọ kẹ ayen. Enana kẹ eye egba rẹ awanre, ri kperi usi.

2 Samuẹl 8:13

Devid da rhe re odẹ kẹ oma rọye. Ọke ro vwo rhivwi o de hwe ihwo rẹ Edọm uriori ihwe gbe ẹrenre vwẹ iyara rẹ ughweraka,

Une rẹ Ejiro 107:26

Ayen de mu osusu kpo obo odjuvwu, e da rhoma she kpo okokodo vwe obotọ, arueyivwo rayen da wran kufia vwẹ evun rẹ ọdjarhe umwemwu rayen;

Une rẹ Ejiro 92:9

Kidie, gbe no, ivwighrẹ wẹn, E Ọrovwohwo kidie, gbe no, ivwighrẹ wẹn cha ghwọrọ, ihwo umwemwu ejobi cha hra.

Isẹ 10:7

Ekarohọ rẹ ọvwata vọnre vẹ ebruphihọ, ẹkẹvuọvo odẹ rẹ ohwo umwemwu che gbo kufia.

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Daniẹl 4:11

Urhe na da rhe rho gigirigi, enu rọye de duvwu obe irharheghe, kasan kasan vwẹ evun rẹ akpọ na ejobi kọ sa mrẹ.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Iyẹnrẹ Esiri ri Luk 1:51

Ọ vwẹ ogangan rẹ obọ rọye phia, ọ hra eheri rẹ udu rẹ ihwo ofefe,

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Urhi Rivẹ 1:28

Bovọ avwanre fọke yere ra na? Imoni rẹ avwanre da nẹrhẹ udu rẹ avwanre hra vwẹ evun rẹ avwanre, nẹ, ihwo na rhoro i ji gro wan avwanre; irere na erhuarho a ke je gba ogba yariẹ ayen phihọ re te enu; yẹ avwanre je mrẹ emọ rẹ Anakim vwẹ Etiyin.

Urhi Rivẹ 4:27

Ọrovwohwo kọ cha hra ovwan phihọ ohri rẹ ihwo, umuchihwo rẹ ovwan keye e che jovwo vwẹ ohri rẹ ẹgborho ra cha djẹ ovwan ra na.

Urhi Rivẹ 9:1

Nyo, E Izrẹl; wọ ra wan Jọdan vrẹn nonẹ na, ra ro evun rẹ ẹgborho re rho nọ wẹ re je gan nọ wẹ, irere na iride a je ogba riariẹ ayen re te enu,