Jẹnẹsis 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Oma rẹ ihwo nana kọye ihwo rẹ orhoma rẹ urhie na nurhe. Enana keye emọ ri Jafẹt vwẹ otọ rayen, dohwo depherẹ rọye, vẹ uvwiẹ rayen, vwẹ evun rẹ ẹgborho rayen.

Jẹnẹsis 10:5 ပူးပေါင်းရင်းမြစ်များ

Jẹnẹsis 10:20

Enana eye emọ ri Ham, vwẹ ekrekru rayen, vẹ ephẹrẹ rayen, otọ rayen, kugbe ẹgborho rayen.

Jẹnẹsis 10:25

Eber de vwiẹ emọ ivẹ odẹ rẹ ọvo ki Pẹlẹg, ọke rọye akpọ na vwọ hẹriẹ, odẹ rẹ oniọvo rọye ke rha Joktan.

Jẹnẹsis 10:32

Enana eye ekru rẹ emọ ri Noa, kirobo rẹ orua rayen wanre, vwẹ ẹgborho rayen; vwẹ oma rẹ enana kọye ẹgborho rẹ akpọ na ejobi hra nurhe rẹ oghwe na vwọ kponu.

Jẹnẹsis 10:4

Emọ ri Javan Elishah, Tarshish, Kitim, kugbe Dodanim.

Jẹnẹsis 10:6

Emọ ri Ham Kush, Ijipt, Put, kugbe Kenan

Jẹnẹsis 9:19

Enana erha na keye emọ ri Noa; enana erha na keye ri vwiẹ akpọ na soso.

Ẹsta 10:1

Ovie Ahasuerus de bru arhọghọ nene otọ na ejobi vẹ unuerhuru na ejobi.

Une rẹ Ejiro 72:10

Jẹn ivie ri Tarshish kugbe i ri ibrotọ na gba arhọghọ jẹn ivie ri Sheba kugbe Sẹba phare ọko rhe!

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 24:15

Fiki rẹ ọtiọye na vwẹ urinrin kẹ Ọrovwohwo vwẹ obaro ọnre, vwẹ orhoma re abadi na ejobi, vwẹ urinrin kẹ odẹ re Ọrovwohwo, Ọghẹnẹ re Izrẹl.

Aizaya 40:15

Nighere, irere na họhọ umuku rẹ ame ro suẹn nẹ usiobọ cha e de kere kerẹ iwurhie rọ hẹ enu rẹ uwan, nighere, o di mu ibrotọ na kerẹ iwurhie vworo vworo.

Aizaya 41:5

Erhuru na ejobi mrẹre oshọ de mu ayen, oba rẹ akpọ na ki muẹ phariẹ, ayen si kerẹ ayen da rhe.

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Jerimaya 2:10

Samu kpọ erhuru ri Saiprọs re wọ mrẹ, eyẹrẹ ji ohwo kpo Kida wọ fuẹrẹ; wọ sa mrẹ emu ọtiọye dẹvure.

Jerimaya 25:22

Ivie ri Taya ejobi, ivie ri Saidọn ejobi, kugbe ivie rẹ erhuru re wan abadi vrẹn na;

Izikiẹl 26:15

E nẹ Ọrovwohwo Ọghẹnẹ ta kẹ Taya: irhuru na rhe che kpogho vwẹ umri rẹ edo rẹ eshe wẹn, vwẹ ọke rẹ otu re wan oma da guan, vwẹ ọke ra da nyavwe ihwo hwe vwẹ uherevie wẹ?

Izikiẹl 26:18

Asakiephana ibrotọ na ra phariẹ vwẹ ẹdẹ rẹ eshe wẹn; e, ibrotọ re hẹ obo abadi ofu de dje ayen hwe ra vwọ ghwọrọ owẹ.

Daniẹl 11:18

Ukuko rọye kọ che hirhe epharo ku obo erhuru na kọ reyọ ayen buebu, ẹkẹvuọvo onotu ọvo ko che phi oba phihọ arọeyivwo rọye ọruyota kọ cha nẹrhẹ ọjẹfia rọye rhọma she hwe.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.