Jẹnẹsis 10:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

Jẹnẹsis 10:10 ပူးပေါင်းရင်းမြစ်များ

Jẹnẹsis 10:9

Ọ da dia ọgban rẹ ibefii rode vwẹ obaro rẹ Ọrovwohwo, fiki rẹ ọtiọye kọye a vwọ tanẹ, Kiri Nimrọd ọgban rẹ ibefi rode vwẹ obaro rẹ Ọrovwohwo.

Jẹnẹsis 11:2

Ọke rẹ ihwo vwọ kua nẹ abọ rẹ ọnre da vacha re, ayen da rhe mrẹ uphephe ọvo vwẹ otọ ri Shinar ayen da dia Etiyin.

Jẹnẹsis 11:9

Fiki rẹ ọtiọye na e de se odẹ rọye Babẹl, fikiridie Etiyin Ọrovwohwo de zighi ephẹrẹ rẹ akpọ na ejobi, kẹ Etiyin rhe Ọrovwohwo da hra ayen nene enu rẹ akpọ na ejobi.

Jẹnẹsis 14:1

Ọke rẹ Amrafel vwọ ovie ri Shinar, Ariọk ke ovie re Elasai, Chedor-laomer kẹ ovie rẹ Elam, Tidal kẹ ovie ri Goiim,

Aizaya 10:9

O dianẹ Kalno họhọ Kikamishi-i? O dianẹ Ramat họhọ Apadi-i? Ọ dianẹ Sameria họhọ Damaskọ-ọ?

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 39:1

Vwẹ ọke yena Merodak-baladan ọmọ ri Baladan, ovie ri Babilọn, o de ji ikọn kugbe ọbe kugbe ọko vwo rhe Hẹzikaya, kidie o nyori nẹ o mworo gangan yẹ o vrẹn nẹ ọga na re.

Jerimaya 21:2

Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

Jerimaya 50:1

Ota rẹ Ọrovwohwo tare kpahe Babilọn, kpahe otọ rẹ ihwo ri Kaldia vwẹ oma ri Jerimaya rẹ ọmraro na:

Jerimaya 50:21

Yanran ra vwọ so otọ ri Mirataim na, je vwọ so ihwo ri Pikọd Hwe, re wọ ghwọrọ ayen tototo, eriyin Ọrovwohwo tare, ru obo ri mi ji iji kẹ wẹ na ejobi.

Izikiẹl 27:23

Haran, Kannẹh, Idẹn, Asshọr, kugbe Shilmad vẹ owẹ chueki.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Emọs 6:2

Wanvrẹn kpo Kalneh, re wọ mrẹ, nẹ etiyin re wo kpo Hamat rode na, wo rhe kpo Gat ri Filistia. Ayen yovwi nọ uvie nana? Yẹrẹ ubrakpọ rayen rho nọ ubrakpọ rẹ ovwan?

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Zekaraya 5:11

Ọ da ta kẹ vwẹ, Vwo kpo otọ ri Shina, rere a bọn uwevwi kẹ; ọke ra da rhuẹrẹ ọnana nu, ayen ki mu ovwanvwọn na kpahe otọ vwẹ asan rọyen.