Jẹnẹsis 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọghẹnẹ da ta, Gbe jẹn ame rẹ otọ rẹ odjuvwu na rhi koko oma vwẹ asan ọvo, rere e ji otọ ọyaya vwẹ oma phia. Ọ da ghene dia ọtiọye.

Jẹnẹsis 1:9 ပူးပေါင်းရင်းမြစ်များ

Jẹnẹsis 1:8

Ọghẹnẹ de se irharheghe na Odjuvwu. Te ovwọnvwọn te irhiọke da dia ẹdẹ rivẹ.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

ỌBE RẸ JOB 26:10

O de si usi riariẹ enu rẹ ame rọ dia ughwru kẹ elo vẹ ebri.

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

Une rẹ Ejiro 104:3

we re vwẹ ugbere vwo gberi enu rẹ ame na, we re vwẹ egho na vwo ru akpẹrẹ, wọ gua vwẹ ibekpe rẹ odju,

Une rẹ Ejiro 33:7

Ọ ghwẹ ame rẹ urhie koko kerẹsiẹ re ku ame phihọ ọgọ; o de phi okokodo na ejobi phihọ evun.

Une rẹ Ejiro 95:5

Abadi na ọrọye, kidie ọvẹ te marọ; kidie abọ rọye re ma otọ ọyaya na

Aghwoghwo 1:7

Irhie na ejobi djẹ ọkẹre kpo obo abadi ẹkẹvuọvo abadi na vọ-ọn, asan rẹ irhie na djẹ ra, oboyi ayen rhoma djẹ ra.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Jona 1:9

O da te ke ayen. Mẹvwẹ ohwo ri Hibru, me djẹ oshọ rẹ Ọrovwohwo, Ọghẹnẹ re odjuvwu na, rọ ma abadi kugbe otọ ọyaya na.

2 Pita 3:5

Ayen vwẹ ẹro koko siẹn uyota nana, nẹ vwẹ ota rẹ Ọghẹnẹ ọye odjuvwu na vwọ herọ nẹ awanre rhe, ọye otọ na vwọ va nẹ evun rẹ ame rhe vwẹ oma rẹ ame,

Ẹvwọphia 10:6

ọ da vwẹ ohwo rọ herọ bẹdẹ bẹdẹ na vwo duvwu iyori, ohwo rọ ma odjuvwu vẹ obo re herọ, akpọ na kugbe obo re herọ, kugbe abadi vẹ obo re herọ, nẹ o rhe vwo ẹdẹ ebro ọfa-a,