Jẹnẹsis 1:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Etiyin Ọghẹnẹ da ta, Gbe jẹn avwanre ma ohwo vwẹ oma rẹ avwanre, rọ họhọ avwanre, re ayen vwo ogangan vwẹ enu rẹ erin rẹ urhie, vwẹ enu rẹ ephran ri obenu, vwẹ enu rẹ uchuru, kugbe vwẹ enu rẹ akpọ na vẹ obo ri kpono vwẹ enu rẹ otọ na.

Jẹnẹsis 1:26 ပူးပေါင်းရင်းမြစ်များ

Jẹnẹsis 11:7

Gba yanrhe, re wotọ rhe, ra dia Etiyin phi ozighi phihọ ephẹrẹ rayen, rere ayen jẹn ephẹrẹ rẹ ohwo ohwo enyo.

Jẹnẹsis 2:19

Kọye vwẹ evun rẹ otọ na re, Ọrovwohwo Ọghẹnẹ da ma eranvwe keranvwe rẹ aghwa na kugbe ọphran kọphran rẹ enu na, ọ da ghwẹ ayen vwọ kẹ ohwo na sọsa mrẹ obo ro se ayen; obo rẹ ohwo na se eranvwe keranvwe ekpokpọ na, kẹ odẹ yena ese.

Jẹnẹsis 3:22

Ọrovwohwo Ọghẹnẹ da ta, Nighe, ohwo rhoma rhe họhọ ọvo rẹ avwanre re, rọ riẹn erhuvwu vẹ umiovwo re, Asakiephana, a da fọ ke, ọ cha riẹn obọ rọye rhe ọ da je rhe reyọ omamọ rẹ urhe rẹ arhọ na, ọ da riọ, ọ da rhe dia bẹdẹ.

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

ỌBE RẸ JOB 35:10

Ẹkẹvuọvo o vwo ohwo ọvuọvo rọ tare nẹ, Tivọ Ọghẹnẹ rọ Ma vwẹ epha, ọ rọ vwẹ une kẹ ohwo sun vwẹ ason na,

ỌBE RẸ JOB 39:11

Wọ vwẹ ẹro suọ fikiridie ogangan rọye rhoro, ku wọ yan jẹ iruo wẹn vwo kẹ?

ỌBE RẸ JOB 5:23

Kidie wọ vẹ ibieragha rẹ aghwa na cha dia obọ, eranvwe rẹ aghwa na vẹ owẹ cha dia vwẹ ufuoma.

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 149:2

Jẹn Izrẹl ghọghọ vwẹ oma rẹ ọ rọ Mamerọ, jẹn emọ ri Zayọn ghọghọ vwẹ Ovie rayen!

Aghwoghwo 7:29

Nighe, ọnana ọvo me mrẹre, nẹ Ọghẹnẹ ma ohwo ọsoso, ẹkẹvuọvo ayen rhe guọnọ egbẹlẹkẹ buebu mrẹ.

Solomon 1:11

Avwanre ki che duvwu ekuakua rẹ osẹnvwe rẹ oro kẹ wẹ ra vwẹ idọnọ efuanfon sanọ.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Jerimaya 27:6

Asakiephana mi phi etọ nana ejobi phihọ obọ ri Nebukadreza, ovie ri Babilọn, re odibo mẹ na, me je vwẹ eranvwe re aghwa na kẹ re ega.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Iruo rẹ Iyinkọn na 17:20

Kidie ota ọkpokpọ wọ ta phihọ erhọn rẹ avwanre na; avwanre guọnọ riẹn obo rẹ imu nana epha.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

1 Kọrẹnt 11:7

Kidie o fori rere ọshare phare uyovwi rọye-e, rọ vwọ hẹ uhoho vẹ urinrin rẹ Ọghẹnẹ na; ẹkẹvuọvo aye hẹ urinrin rẹ ọshare.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Kolose 1:15

Ọye hẹ uhoho rẹ Ọghẹnẹ re jẹ mrẹ na, ọmọ ọkpako rẹ emama na ejobi.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Jems 3:7

Kidie koka koka rẹ eranvwe na ejobi vẹ ephran, kugbe obo ri kpono vwẹ otọ rẹ ame ejobi na, e yono ayen ihwo rẹ akpọ na ji yono ayen buebu re.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

1 Jọn 5:7

Erhi na ri se oseri, fikiridie Erhi na hẹ uyota na.