Jẹnẹsis 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọghẹnẹ da nẹ ẹrhovwo kẹ ayen tanẹ, We vwiẹ ri we bun phihọ re wa vọn ame rẹ urhie na, rere ephran rhe bun phihọ vwẹ enu rẹ akpọ na.

Jẹnẹsis 1:22 ပူးပေါင်းရင်းမြစ်များ

Jẹnẹsis 1:21

Etiyin Ọghẹnẹ da ma eranvwe ride na, kugbe eranvwe keranvwe ekpokpọ re yan re rhẹrhẹ, re vọn evun rẹ ame na, dohwo doka rọye, kugbe ọphran kọphran ro vwo ibekpe dọphran doghere rọye. Ọghẹnẹ da mrẹ nẹ oyoma.

Jẹnẹsis 1:23

Te ovwọnvwọn te irhiọke da dia ẹdẹ riyori.

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 30:27

Ẹkẹvuọvo Laban da ta kẹ, Wọ da rhọvwe kẹ vwẹ ne Me ta ọtiọye, ke Me ta nẹ a mraro kẹ vwẹ ni fiki wẹ ọye Ọrovwohwo vwo bruphihọ kẹ vwẹ,

Jẹnẹsis 30:30

Kidie uchuru wẹn pha tutuno vwẹ ọke re Me vwọ rhe, nẹ ọke yena rhe na i de bu gangan, Ọrovwohwo de bruphihọ kẹ wẹ vwi kabọ kabọ. Asakiephana kẹ ọke vọ Me rha vwọ wian kẹ omobọ mẹ?

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 8:17

Reyọ kemu kemu ejobi ro vwo arhọ re vẹ owẹ gba herọ vwẹ evun rẹ okọ na ejobi– ephra kugbe eranvwe kugbe emu kemu ri kpono vwẹ enu rẹ otọ na rere ayen mrẹ asan vwiẹ buebu vwẹ enu rẹ akpọ na, re ayen mo re ayen bu phihọ vwẹ enu rẹ akpọ na.

Jẹnẹsis 9:1

Ọghẹnẹ de bruphihọ kẹ Noa vẹ emọ rọye, ọ da ta kẹ ayen, We vwiẹ ri we bu phihọ, ru wa vọn akpọ na.

ỌBE RẸ JOB 40:15

Nighe, Bẹhemọt, re me mare kerẹ owẹ na, ọ rọ ria odi kerẹ erhuẹn.

ỌBE RẸ JOB 42:12

Ọrovwohwo de bruba ukuko rẹ akpo ri Job no ẹtuophihọ rọye; o de vwo igegede uriori ihwẹne, karmẹl uriori esan, ekru rẹ irhuẹn uriori, ekẹtẹkẹtẹ rẹ eya uriori.

Une rẹ Ejiro 107:31

Jẹn ayen kpẹvwẹ Ọrovwohwo fiki rẹ ẹguọnọ rọye ro jẹ rhẹriẹ, fiki rẹ iruo re igbunu rọye ro ru kẹ emọ rẹ ihwo!

Une rẹ Ejiro 107:38

Vwẹ oma rẹ ẹrhovwo rọye ayen de yovwi buebu; o rhe jẹn uchuru rayen ravwiẹ-ẹ.

Une rẹ Ejiro 128:3

Aye wẹn cha dia kerẹ urhe ri vain rọ riẹmọ vwẹ evun re uwevwi wẹn; emọ wẹn ke dia kerẹ abọ rẹ ọliv riariẹ imẹjẹ wẹn phihọ.

Isẹ 10:22

Ebruphihọ rẹ Ọrovwohwo nẹrhẹ efe cha, ọ vwẹ enuebro ba-a.

Livitikọs 26:9

Ki mi ni ovwan ẹro, ki mi ru ovwan bu ku we vwiẹ buebu, mi che ru ọphọ mẹ na gan vwọ kẹ ovwan.