Jẹnẹsis 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọghẹnẹ da ma irhukpẹ ride ive, urhukpẹ rode na kọye ri sun uvo, urhukpẹ re otete na kọye ri sun ason, ọ ke je ma isio rhe.

Jẹnẹsis 1:16 ပူးပေါင်းရင်းမြစ်များ

Jẹnẹsis 1:15

gbe jẹn ayen dia orẹmrẹ vwẹ evun rẹ irharheghe rẹ odjuvwu na rọ vwẹ orẹmrẹ kẹ akpọ na. O da ghene dia ọtiọye.

ỌBE RẸ JOB 31:26

ọ da dianẹ me bẹrẹ ẹro sa ọnre rọ vacha gala gala, eyẹ emeranvwe rọ yan vwẹ erhuvwu rọye,

ỌBE RẸ JOB 38:7

Ọke rẹ isio rẹ irhiọke vwọ sua ine kuẹgbe, rẹ emọ rẹ Ọghẹnẹ de kperẹ vẹ aghoghọ?

Une rẹ Ejiro 148:3

Jiro, ọnre kugbe emeranvwe, jiro, isio ri lo ejobi!

Une rẹ Ejiro 148:5

Jẹn ayen jiri odẹ rẹ Ọrovwohwo na! Kidie o ji urhi ayen da ghwa mama

Une rẹ Ejiro 19:6

Ẹvacha rọye ẹtan rẹ odjuvwu o nẹ cha, unuoyan rọye ri te oba rẹ odjuvwu; o vwo emuọvo rọ djahe kẹ ototorhọ rọye-e.

Une rẹ Ejiro 74:16

Uvo ọ wẹn, ason je vwe ọwẹn rhe; wọwẹ re vwẹ isio na kugbe ọnre na vwo mu.

Une rẹ Ejiro 8:3

Ọke mi de ni idjuvwu wẹn na, iruo rẹ irhiabọ wẹn, te emeranvwe kugbe isio ru wọ mare na;

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 24:23

Ọke yena emeranvwe kọ dia bisi bisi, ọnre na oma kọ cha vuọ, kidie Ọrovwohwo rẹ otuofovwi na cha re uvie vwe enu rẹ Ugbenu ri Zayọn vwi Jerusalẹm vwẹ obaro rẹ ekpako rọye ọ da vwe urinrm rọye phia

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Habakọk 3:11

Ọnre vẹ emeranvwe de mudia fọ vwẹ ẹdia rayen vwẹ urhukpẹ rẹ edada wẹn ra sa yanran na, vwẹ asan rẹ ubiri wẹn da nyavwaro.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Matiu 27:45

Kẹ unọke esan yanran egho de rhi mu vwẹ asan ejobi rhiri rhi te unọke irhiri.

1 Kọrẹnt 15:41

Urinrin ọvo ọ rẹ ọnre, ọfa ọ rẹ emeranvwe, urinrin ọfa ọ rẹ isio; isio ọvo fẹnẹ isio ọfa vwẹ urinrin.

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.