Jems 5:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ovwan vwo erhiori rere wan vwẹ udu te otọ; kidie ẹcha rẹ Ọrovwohwo si kẹre re.

Jems 5:8 ပူးပေါင်းရင်းမြစ်များ

Jẹnẹsis 49:18

Me hẹrhẹ esivwo wẹn, E Ọrovwohwo.

Une rẹ Ejiro 130:5

Me hẹrhẹ Ọrovwohwo, ẹnwẹ mẹ hẹrhẹ, vwẹ evun rẹ ota rọye me vwe ẹro so,

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.

Iyẹnrẹ Esiri ri Jọn 21:22

Jesu da kẹ, Ọ da dia ọhọre mẹ nẹ ọ dia bẹsiẹ me vwọ rhe, kidie ọyena fi kẹ wẹ? Nene uvwe.

Ọbe ri Pọl si rhe Ihwo ri Rom 8:25

Ẹkẹvuọvo avwanre de phiẹrohọ obo rẹ avwanre mrẹre-e, kẹ erhiori avwanre vwọ hẹrhẹ.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Filipae 4:5

E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

1 Tẹsalonaika 2:19

Kidie hẹ iphiẹrohọ rẹ avwanre, eyẹ aghọghọ rẹ avwanre eyẹ erhu rẹ uvie rẹ avwanre vwọ yan eyan vwẹ ọbara rẹ Ọrovwavwanre Jesu vwẹ ẹcha rọye? Ọ rha dia ovwan na-a?

1 Tẹsalonaika 3:13

kọye ovwan vwọ dia fuanfon vwẹ obaro rẹ Ọsẹ na, rere udu rẹ ovwan vwọ ghwaotọ re wa vwọ rease vwẹ ẹdẹ rẹ ẹcha rẹ Ọrovwavwanre Jesu vẹ emakashe rọye.

2 Tẹsalonaika 3:5

E jẹ Ọrovwohwo sun udu rẹ ovwan kẹ ẹguọnọ rẹ Ọghẹnẹ rere ovwan mudia gan kẹ Kristi.

Jems 5:3

Iro vẹ idọnọ efuanfon rẹ ovwan mu ekegba; ekegba na ke cha rhoma se iseri hwẹ ovwan vwẹ obọ, ke cha torhe ovwan kerẹ erhanre. Ukuko rẹ akpọ na ovwan ke cha ghwẹ efe koko gbidi.

Jems 5:9

Imoni mẹ, ovwan guẹ ohwohwo-o, rere e vwo jẹ ovwan eguo; nighe, obrorhiẹn mudia vwẹ anurhoro re.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!