Jems 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Jems 5:7 ပူးပေါင်းရင်းမြစ်များ

Jerimaya 5:24

Ayen sa ta vwẹ udu raye-en, E jẹn avwanre djẹ oshọ rẹ Ọrovwohwo rẹ Ọghẹnẹ rẹ avwanre, rọ rho osio vwẹ ọke rọye, osio rẹ oghwe vẹ osio rẹ ọkeuvo, ọ da yọnrọn kẹ avwanre ẹdẹ ro bru kẹ orhọ.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Zekaraya 10:1

Nọ ekpẹn rẹ osio mie Ọrovwohwo vwẹ ọke-evwru, mie Ọrovwohwo rọ ru ogiribo vẹ egho rọ vwẹ eghwẹghwẹ re osio kẹ ihwo, rọ nẹrhẹ ẹbe djẹ vwẹ udju ri kohwo kohwo,

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 16:28

Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.

Matiu 24:27

Kidie kirobo rẹ enu nyavwaro vwẹ obaro ọnre rẹ ihwo rẹ obuko ọnre da vwọ mrẹ orẹ na, ọtiọye ẹcha rẹ ọmọ rẹ ohwo cha dia.

Matiu 24:44

Fiki rẹ eriyin na we muegbe: kidie ọke wo roro phihọ-ọ, ọye Ọmọ rẹ ohwo cha vwọ rhe.

Iyẹnrẹ Esiri ri Luk 18:8

Me ta kọ ovwan, ọ cha chọ oja rọ ayen kpata kpata. Ẹkẹvuọvo ọke rẹ Ọmọ rẹ ohwo da rhe, kọ sa mrẹ esegbuyota vwẹ akpọ?

Iyẹnrẹ Esiri ri Luk 21:27

Etiyin kẹ ayen cha mrẹ Ọmọ rẹ ohwo rọ cha vwẹ egho vẹ ogangan kugbe urinrin rode.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Iyẹnrẹ Esiri ri Jọn 21:22

Jesu da kẹ, Ọ da dia ọhọre mẹ nẹ ọ dia bẹsiẹ me vwọ rhe, kidie ọyena fi kẹ wẹ? Nene uvwe.

Iyẹnrẹ Esiri ri Jọn 21:23

Ota na da hrabọ ro ohri rẹ imoni na nẹ odibo nana gbi che ghwu-u; ọ diane kẹ Jesu tare nẹ o che ghwu-u, ẹkẹvuọvo, Ọ da dia ọhọre mẹ nẹ ọ dia bẹsiẹ me vwọ rhe, kidie ọyena fi kẹ wẹ?

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

1 Kọrẹnt 1:7

nẹ ẹse rẹ erhi na sa kanre ovwa-an, rẹ ovwan vwọ hẹrhẹ ẹvwọphia rẹ Ọrovwavwanre Jesu Kristi;

Galesha 5:5

Kidie vwẹ oma rẹ Erhi, fiki rẹ esegbuyota, avwanre vwọ hẹrhẹ iphiẹrohọ rẹ ọvwata.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Urhi Rivẹ 11:14

rere ọ vwọ rhọ osio ku otọ na vwẹ ọke rọye, osio rẹ ẹsosuọ vẹ osio rẹ ọkuko, rere wọ ghwẹ eka wẹn vẹ wain wẹn, kugbe evwri wẹn rhe uwevwi.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

1 Tẹsalonaika 2:19

Kidie hẹ iphiẹrohọ rẹ avwanre, eyẹ aghọghọ rẹ avwanre eyẹ erhu rẹ uvie rẹ avwanre vwọ yan eyan vwẹ ọbara rẹ Ọrovwavwanre Jesu vwẹ ẹcha rọye? Ọ rha dia ovwan na-a?

1 Tẹsalonaika 3:13

kọye ovwan vwọ dia fuanfon vwẹ obaro rẹ Ọsẹ na, rere udu rẹ ovwan vwọ ghwaotọ re wa vwọ rease vwẹ ẹdẹ rẹ ẹcha rẹ Ọrovwavwanre Jesu vẹ emakashe rọye.

Hibru 6:15

Rẹ Ebraham, vwọ vwẹ erhiori hẹrhẹ, ive na de te obọ.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

Jems 5:10

Imoni mẹ, ovwan gba vwẹ ẹro keri erhiori vẹ oja rẹ otu rẹ emraro rẹ awanre na, re ta ota vwẹ odẹ rẹ Ọrovwohwo rere.

Jems 5:3

Iro vẹ idọnọ efuanfon rẹ ovwan mu ekegba; ekegba na ke cha rhoma se iseri hwẹ ovwan vwẹ obọ, ke cha torhe ovwan kerẹ erhanre. Ukuko rẹ akpọ na ovwan ke cha ghwẹ efe koko gbidi.

2 Pita 3:4

tanẹ, Kẹ iveve rẹ ẹcha rọye na rhọ? Kidie rhawẹ ọke rẹ esẹ ride na vwo ghwu rhe na, emu na ejobi je epha kirobo rọ epha nẹ ẹtuọhọ rẹ ema na rhe.