Jems 5:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ e gbe jọ riẹn nẹ, ohwo ro yono oruimwemwu kurhẹriẹ nẹ idjerhe rọye o sivwẹ erhi ọvo nẹ ughwu, ọ ke rha vwẹ ukpo rhurhu imwemwu muotọ.

Jems 5:20 ပူးပေါင်းရင်းမြစ်များ

Une rẹ Ejiro 32:1

Ebruba kẹ ohwo ra vwẹ ogbeku rọye rhovwo, re rhurhu imwemwu rọye kẹ.

Isẹ 10:12

Eghrẹn ẹjẹ ọye ghwa ohọnre cha, ẹkẹvuọvo ẹguọnọ rhurhẹ oruchọ ejobi.

Isẹ 10:2

Efe ra vwẹ umwemwu ghwẹ koko fi erere ọvuọvo-o, ẹkẹvuọvo ọvwata siẹ ohwo nẹ ughwu.

Isẹ 11:30

Omamọ rẹ ọvwata ọye urhe rẹ arhọ, ẹkẹvuọvo ozighi hwe arhọ.

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Isẹ 17:9

Ohwo rọ vwẹ oruchọ ghovwo ihwo erhuvwu ọ guọnọ, ẹkẹvuọvo ohwo rọ vwariẹn ota ọ fan ugbeyan.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Ọbe ri Pọl si rhe Ihwo ri Rom 11:14

rere ihwo mẹ ihwo ri Ju vwọ reoma kpahe ayen, se se sivwi ihwo evo rhọ.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

1 Kọrẹnt 9:22

Me vwẹ oma ru ọvwiẹre kẹ otu rẹ evwiẹre, rere mi vwo se ku otu rẹ evwiẹre rhẹriẹ. Mi rhi hirhe phihọ emu ejobi kẹ ihwo ejobi, rere mi se vwo sivwi otu evo.

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

Filimọn 1:19

Mẹvwẹ ri Pọl, re vwẹ obọ mẹ si ọbe na, ke me ghene hwa kẹ wẹ; ọ dianẹ ke wọ re vwẹ osa-a, ekpuyovwi wẹn me ta.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

Jems 5:15

Omamọ rẹ ẹrhovwo rẹ esegbuyota ko sivwi ohwo rọ họnvwan na, Ọrovwohwo kọ kparọ vrẹn; ọ da dianẹ o ru imwemwu jovwo, kẹ vwo ghovwo.

Jems 5:19

Imoni mẹ, ọ da dianẹ ohwo ghwru nẹ idjerhe rẹ uyota na, rẹ ohwo ọvo de kuorhẹriẹ;

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.