Jems 5:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ilaija ọye ohwo kirobo rẹ avwanre epha na, ọ da nẹ ẹrhovwo nẹ osio rhọ-ọ, osio ghine rhọ ọsoso rẹ ẹgbukpe erha gbẹ emeranvwe esa-an.

Jems 5:17 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

1 Ivie 18:1

Rẹ ẹdẹ buebu vwọ wan nu ota rẹ Ọrovwohwo de bru Ilaija rhe, vwẹ ikpe rerha tanẹ, Yanran, ra vwẹ oma wẹn nẹ Ehab; ke me cha rhọ osio phihọ otọ na.

Iyẹnrẹ Esiri ri Luk 4:25

Ẹkẹvuọvo, uyota Me ta kẹ ovwan, Eyauku buebu re hẹ Izrẹl vwẹ ọke rẹ Ilaija, ọke rẹ owẹvwe vwo fi ikpe erha gbẹ ubro, rẹ osio rhọre-e;

Iruo rẹ Iyinkọn na 10:26

Ẹkẹvuọvo Pita da kparọ vrẹn tanẹ, vrẹn mudia; Mẹvwẹ ohwo rẹ akpọ.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

Ẹvwọphia 11:6

Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.