Jems 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

Jems 5:16 ပူးပေါင်းရင်းမြစ်များ

Jẹnẹsis 19:29

Ke eriyin ọ epha, vwẹ ọke rẹ Ọghẹnẹ vwọ guọghọ irere rẹ ishekpotọ na, Ọghẹnẹ da karohọ Ebraham, o de si Lọt nu uherevie rẹ erhanre na, vwẹ ọke ra vwọ torhẹ orere ri Lọt diare.

Jẹnẹsis 20:17

Etiyin Ebraham da nẹ ẹrhovwo kẹ Ọghẹnẹ, Ọghẹnẹ de sivwi Abimẹlẹk, o de ji sivwi aye rọye kugbe eviẹn rẹ eya ro vwori ejobi, kọye ayen de vwiẹ emọ.

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Jẹnẹsis 32:28

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

2 Samuẹl 19:19

Etiyin ọ da ta kẹ ovie, Ẹjo ọrovwovwe brorhiẹ hwe vwe-e, yẹrẹ karophihọ obo re chọre rẹ odibo wẹn ruru vwẹ ẹdẹ rẹ ọrovwovwe vwo nẹ Jerusalẹm rhe-e; e jẹn ọrovwovwe ovie karophihọ-ọ.

1 Ivie 13:6

Ovie na da ta kẹ ohwo rẹ Ọghẹnẹ na, Gba rẹ Ọrovwohwo Ọghẹnẹ wẹn na kẹ vwẹ, re wọ nẹ ẹrhovwo kẹ vwẹ, rere obọ mẹ na vwo rhivwi kpo ẹdia. Ohwo rẹ ọfuanfon na da rẹ Ọrovwohwo; obọ rẹ ovie na de rhivwi kpo ẹdia, kirobo rọ epha jovwo.

2 Ikun rẹ Ivie 30:20

Ọrovwohwo de nyo ẹrhovwo ri Hẹzikaya, o de sivwi ihwo na.

ỌBE RẸ JOB 42:8

Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

Une rẹ Ejiro 34:15

Ẹro rẹ Ọrovwohwo re nẹ ọvwata, erhọn rọye rhie phihọ kẹ oviẹ rayen.

Ẹyano 17:11

Mosis da kpare obọ rọye kpenu, Izrẹl me kparobọ, ọ da rha vwẹ obọ kpotọ, Amalẹk me kparobọ.

Ẹyano 9:33

Ọtiọye na Mosis de nẹ orere na nẹ oma ri Fero, ọ da bẹrẹ abọ rọye kẹ Ọrovwohwo; agbrara na vẹ osio rẹ imicho na da daji, osio gbe rha rhọ vwẹ otọ na ọfa-a.

Isẹ 15:29

Ọrovwohwo pha shesheri kẹ oruimwemwu, ẹkẹvuọvo O nyo ẹrhovwo rẹ ọvwata.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Ukeri 11:2

Etiyin ihwo na de kperi se Mosis, Mosis da rẹ Ọrovwohwo, erhanre na de fu.

Matiu 21:22

Kemu kemu ejobi rẹ ovwan nọre vwẹ esebuyota, ovwan ke mrẹ ayen.

Matiu 3:6

Ọ da vwẹ ame kẹ ayen vwi Jọdan, ayen da rhọvwe imwemwu rayen.

Iyẹnrẹ Esiri ri Mak 1:5

Ihwo rẹ ubrakpọ ri Judia, kugbe ihwo ri Jerusalẹm ejobi de bro ra; ọ da vwẹ ame kẹ ayen ejobi vwẹ evun rẹ urhie ri Jọdan ayen da rhọvwe imwemwu rayen.

Iyẹnrẹ Esiri ri Luk 9:6

Ayen da yanran ro eko na ejobi, ghwoghwo iyẹnre esiri na ayen de sivwi ihwo vwi kasan kasan.

Iyẹnrẹ Esiri ri Jọn 9:31

Avwanre riẹnre nẹ Ọghẹnẹ kerhọn rẹ iruimwemwu-u, ẹkẹvuọvo ọ da dianẹ ohwo ga Ọghẹnẹ ro de ru ọhọre rọye, Ọghẹnẹ kọ kerhọn rọye.

Iruo rẹ Iyinkọn na 10:38

Obo rẹ Ọghẹnẹ vwọ vwẹ evwri ghworo Jesu ri Nazarẹt vwẹ Erhi Ọfuanfon kugbe ogangan obo ro yanrhe yankpo ro ruẹ emu esiri jo sivwi ihwo ejobi rẹ idẹbono shenyẹ, kidie Ọghẹnẹ vẹ ọye herọ.

Iruo rẹ Iyinkọn na 19:18

Buebu vwẹ otu rẹ ayen na ri segbuyota nure da rhe, rhe fan oma je vwẹ obo rẹ ayen ru djahe ejobi vwọ phia.

Iruo rẹ Iyinkọn na 8:24

Etiyin Saimọn da kpahe kẹ, Rẹ Ọrovwohwo kẹ vwẹ, rere emu wọ tare na vwo jẹ uvwe ebro cha.

Ọbe ri Pọl si rhe Ihwo ri Rom 3:10

kirobo re siro: O vwo ohwo ọvuọvo rọ dia ovwata-a, ẹjo, kaka ohwo;

Ọbe ri Pọl si rhe Ihwo ri Rom 5:19

Kidie obo ri ijọghọevwo rẹ ohwo ọvo ru ihwo buebu phihọ iruimwemwu na, ọtiọye na ọghọemuo rẹ ohwo ọvo rhe ru ihwo buebu phihọ ọvwata.

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.

1 Tẹsalonaika 5:17

Nẹ ẹrhovwo kẹdẹ kẹdẹ.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

1 Tẹsalonaika 5:25

Imoni, wa rẹ kẹ avwanre.

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 12:13

rere wa gbẹn idjerhe ọphiọnphiọn kẹ awọ rẹ ovwan, rere awo ri ghwuru vwo je sida ẹkẹvuọvo rere i vwo je sivwi.

Hibru 13:18

Nẹ ẹrhovwo kẹ avwanre, kidie o mu avwanre ẹro nẹ evun rẹ avwanre pha phephẹ, re guọnọ ruẹ emu rẹ ọghọ vwi kemu kemu ejobi.

Joshua 10:12

Eriyin Joshua da ta ota kẹ Ọrovwohwo vwẹ ọke rọ vwọ vwẹ ihwo rẹ Amọr kẹ Izrẹl hwe nu; ọ da ta vwẹ obaro rẹ Izrẹl ejobi. Ọnre, mudia gbiei vwi Gibeọn, wẹ rẹ emeranvwe vwẹ iyara ri Aijalọr.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Jọn 3:22

obo rẹ avwanre nọrọ ejobi ka mrẹ reyọ, fikiridie avwanre yọnrọn urhi rọye avwanre ki rhe ru obo ri je.

1 Samuẹl 1:12

Rọ vwọ nẹ ẹrhovwo kẹ Ọrovwohwo na, Eli de nẹ unu rọye so.

1 Samuẹl 12:17

Nonẹ na dia ọke orhọ rẹ oka-a Mi che se Ọrovwohwo rere ọ rhọ osio vẹ agbrara; ku wa riẹn ku wa mrẹ nẹ uvumwemwu rẹ ovwan ghine rho, ru we ruru vwẹ obaro rẹ Ọrovwohwo re wa vwọ nọ ekpẹn rẹ ovie kẹ oma rẹ ovwan.

1 Samuẹl 12:18

Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.