Jems 5:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Omamọ rẹ ẹrhovwo rẹ esegbuyota ko sivwi ohwo rọ họnvwan na, Ọrovwohwo kọ kparọ vrẹn; ọ da dianẹ o ru imwemwu jovwo, kẹ vwo ghovwo.

Jems 5:15 ပူးပေါင်းရင်းမြစ်များ

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Matiu 17:20

Ọ da ta kẹ ayen nẹ, fiki rẹ esegbuyota ọhanhanvwe rẹ ovwan na. Uyota me ta kẹ ovwan, We de segbuyota kerẹ emamọ rẹ uyerhie, kẹ ovwan ta kẹ ugbenu nana nẹ, Ghwie nẹ etinẹ kpo oboyi; ko ghwie; emu ọvuọvo gbe sa bẹn kẹ ovwa-an.

Iyẹnrẹ Esiri ri Jọn 5:14

Ukuko rọye re, Jesu da mrẹ vwẹ evun rẹ uwevwi rẹ ẹga na, ọ da ta kẹ, Nighe, oma wẹ kpo re. Wo gbi ruẹ imwemwu ọfa-a, rere emu ro miovwi nọ ọtiọna vwo jẹ uwe ẹvwa.

Iyẹnrẹ Esiri ri Jọn 6:39

ọnana hẹ ọhọre rẹ ọ ro ji vwe rhe na, nẹ ọvuọvo rọ vwọ kẹ vwẹ na va vwẹ abọ ghwrẹ-ẹ, ẹkẹvuọvo re me kparọ vrẹn vwẹ ẹdẹ rẹ oba na.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

2 Kọrẹnt 4:14

vẹ ẹriẹn nẹ ọ rọ kpare Ọrovwohwo Jesu vrẹn na je cha kpare avwanre vi Jesu vrẹn ọ me reyọ avwanre vẹ ovwan vwọ rhe obaro rọye.

Jems 1:6

Ẹkẹvuọvo e gbe jo vwo esegbuyota kpahe obo rọ nọre na, o rhe vwo evun ivẹ-ẹ, ohwo ro vwo evun ivẹ ọ họho abadi rọ họnra rẹ odju muẹ cha muẹ kpo.

Jems 5:13

Ono re reoja vwẹ uherevie rẹ ovwan? e jọ nẹ ẹrhovwo. Ohwo rẹ ivun vwerha? E jọ so une rẹ ejiro.

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

Jems 5:20

e gbe jọ riẹn nẹ, ohwo ro yono oruimwemwu kurhẹriẹ nẹ idjerhe rọye o sivwẹ erhi ọvo nẹ ughwu, ọ ke rha vwẹ ukpo rhurhu imwemwu muotọ.