Jems 5:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Nighe, ebruba kẹ ihwo ri chirako rhi te oba; ovwan ji nyo usi rẹ obo rẹ Ọrovwohwo ru kẹ Job te, vwẹ okuko rọye, obo ro nẹ arodọvwẹ kẹ te.

Jems 5:11 ပူးပေါင်းရင်းမြစ်များ

1 Ikun rẹ Ivie 21:13

Etiyin Devid da ta kẹ Gad, Mi hẹ evun rẹ ọdjarhe rode; ju vwe she phihọ obọ rẹ Ọrovwohwo, kidie ehrọre rọye pha rhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

2 Ikun rẹ Ivie 30:9

Kidie we de rhivwi bru Ọrovwohwo na, imoni wẹn kugbe emọ wẹn ke mrẹ ehrọre vwẹ obọ rẹ ihwo ri mu ayen na, ki che rhivwi rhe otọ nana. Kidie Ọrovwohwo Ọghẹnẹ wẹn ọ vọnre vẹ ehrọre vẹ arodọvwẹ, o rhe chuko ku we-e, ọ da dianẹ wo rhivwi bro.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Nehemaya 9:31

Dede na vwe evun rẹ arodọvwẹ wẹn rode na wo ghwe furhie ayen te oba-a eyẹ sen aye-en, kidie wọwẹ Ọghẹnẹ re ehrọre ve arodọvwẹ.

ỌBE RẸ JOB 1:1

Ohwo ọvo herọ vwẹ otọ rẹ Uz, odẹ rọye Job; ohwo na vwẹ eka-an jẹ ohwo ọsoso oruẹ, ohwo rọ djẹ oshọ rẹ Ọghẹnẹ, o de sioma nẹ umiovwo.

ỌBE RẸ JOB 1:2

Emeshare ighwrẹ vẹ emetẹ erha eye e vwiẹ kẹ.

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Une rẹ Ejiro 103:8

Ọrovwohwo vọnre vẹ arodọvwẹ vẹ ehrọre, ọ fobọ mu ophu-u ọ vọnre vẹ ẹguọnọ ro je rhẹriẹ.

Une rẹ Ejiro 116:5

Ehrọre ọ rẹ Ọrovwohwo, kugbe ọvwata; Ọghẹnẹ rẹ avwanre na nẹ arodọvwẹ.

Une rẹ Ejiro 119:132

Rhẹriẹ oma ku vwe wọ re ehrọre mẹ kirobo wo ruẹ kẹ ihwo re guọnọ odẹ wẹn.

Une rẹ Ejiro 145:8

Ọrovwohwo na vẹ ehrọre vẹ arọdọvwe, ọ fobọ mu ophu-u ọ vọnre vẹ ẹguọnọ ro jẹ rhẹriẹ.

Une rẹ Ejiro 37:37

Ka oka phihọ ohwo ro je abe ẹriọ na, re wo ni ohwo rọ dia ọsoso, kidie oba rẹ ohwo yena ufuoma.

Une rẹ Ejiro 51:1

Ni aruẹdọ mẹ, E Ọghẹnẹ, kerẹ ọtiobo rẹ ẹguọnọ ro jẹ rhẹriẹ wẹn bute, kerẹ ọtiobo re aruẹdọ wẹn bute, phoro ogbeku mẹ nu

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Aghwoghwo 7:8

Oba rẹ emu yovwi nọ ẹtuọhọ rọye, odiri vwẹ erhi yovwi nọ erhi rọ kparoma kpenu.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Ukeri 14:18

Ọrovwohwo fobọ mu ophu-u, ọ vọnre vẹ ẹguọnọ ro jẹrhẹriẹ, ọ vwẹ orukuruku kugbe ogbeku vwo ghovwo ẹkẹvuọvo o vwo obo ro ru wa-a o brorhiẹ hwe o ro re abe, ọ vwẹ orukuruku rẹ esemọ vwo nene emọ, re te uvwiẹ re erha ra ro ọrẹnẹ.

Matiu 10:22

Ihwo ke cha jẹ ovwan eghrẹ fiki mẹ; ẹkẹvuọvo ọ ro se chirako ri te oba, kọye re cha rhọ

Iyẹnrẹ Esiri ri Luk 1:50

Arodọvwẹ rọye herọ kẹ otu re djẹ oshọ rọye nẹ uvwiẹ re te uvwiẹ.

Iyẹnrẹ Esiri ri Luk 11:10

Kidie ohwo kohwo rọ nọre ko vwo, ọ rọ guọnọre kọ mrẹ, ọ ro hwori ke rhie kẹ.

Iyẹnrẹ Esiri ri Luk 6:36

Gbe ni aruẹdọn kirobo rẹ Ọsẹ rẹ ovwan ji ni aruẹdọn.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

Hibru 10:39

Ẹkẹvuọvo avwanre dia otu ri siẹoma reyọ a ghwọrọ aye-en, ẹkẹvuọvo ayen otu ri segbuyota re sẹro rẹ ẹnwẹn rayen.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 3:14

Ẹkẹvuọvo ọ da dianẹ ovwan reoja vwi fiki rẹ ọvwata, ke bruphihọ kẹ ovwan. Wa djẹ oshọ rẹ aye-en, eyẹ we bru udu-u,

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.