Jems 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Imoni mẹ, ovwan gba vwẹ ẹro keri erhiori vẹ oja rẹ otu rẹ emraro rẹ awanre na, re ta ota vwẹ odẹ rẹ Ọrovwohwo rere.

Jems 5:10 ပူးပေါင်းရင်းမြစ်များ

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Aizaya 39:8

Etiyin Hẹzikaya da ta keẹ Aizaya, ota rẹ Ọrovwohwo wọ tare na ọ yoma. Kidie o rori nẹ, Ufuoma vẹ ofuvweghe sa dia vwẹ ọke mẹ.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Iyẹnrẹ Esiri ri Luk 6:23

Ghọghọ vwẹ ẹdẹ yena, mu pho vẹ aghọghọ, kidie nighe, osa rẹ ovwan pha rhuarho vwẹ obo odjuvwu; kidie ọtiọye esẹ rayen ru kẹ emraro na.

Iruo rẹ Iyinkọn na 3:21

Ohwo rẹ odjuvwu cha reyọ bẹsiẹ re vwo ru emu na ejobi gba rẹ Ọghẹnẹ wan unu rẹ emraro rẹ efuanfon rọye ta rhabae na gba.

Iruo rẹ Iyinkọn na 7:52

Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe.

Hibru 13:7

Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

Jems 5:13

Ono re reoja vwẹ uherevie rẹ ovwan? e jọ nẹ ẹrhovwo. Ohwo rẹ ivun vwerha? E jọ so une rẹ ejiro.

Jems 5:7

Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Jems 5:9

Imoni mẹ, ovwan guẹ ohwohwo-o, rere e vwo jẹ ovwan eguo; nighe, obrorhiẹn mudia vwẹ anurhoro re.