Jems 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Oghẹre rẹ aghwanre tiọnana dia obo odjuvwu o nurhe-e ẹkẹvuọvo ọ rẹ akpọ na, rọ vọnre vẹ umwemwu rẹ akpọ na, kugbe ọ rẹ idẹbono.

Jems 3:15 ပူးပေါင်းရင်းမြစ်များ

2 Samuẹl 13:3

Ẹkẹvuọvo Amnọn vwo ugbeyan ọvo, re se Jonadab, ọmọ ri Shimeah rẹ oniọvo ri Devid; Jonadab na ohwo vẹ ẹghwanre.

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 16:23

Ọke yena iroro rẹ Ahitofẹl jẹre, da họhọ obo rẹ ọboepha rẹ Ọghẹnẹ tare; ọtiọye iroro rẹ Ahitofel jẹ kẹ Devid kugbe Absalọm epha.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

Iyẹnrẹ Esiri ri Jọn 3:17

Kidie Ọghẹnẹ ji Ọmọ na rhe akpọ na, ri brorhiẹ hwe akpọ na-a, ẹkẹvuọvo re akpọ na vwọ sa wan oma rọye rhọ.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Iruo rẹ Iyinkọn na 13:10

ọ da ta, Wẹ ọmọ rẹ idẹbono na, ọvweghrẹ rẹ ọvwata ejobi na, ro vọnre vẹ ophiẹnvwe vẹ ọkon ejobi na, wo rhe jẹ idjerhe ọphiọn phiọn rẹ Ọrovwohwo na vwo ẹgẹrẹ?

Ọbe ri Pọl si rhe Ihwo ri Rom 1:22

Ayen roro nẹ ayen ghware, dayẹ ẹkpa ayen ruẹ,

1 Kọrẹnt 1:27

ẹkẹvuọvo Ọghẹnẹ jẹ otu rẹ akpọ se ọvwugheghẹ na reyọ rere ọ vwọ phọphọ ọvwẹghwanre, Ọghẹnẹ jẹ obo rẹ akpọ se ọvwiẹre reyọ rere ọ vwọ phọphọ otu re ganre.

1 Kọrẹnt 2:14

Ohwo ro vwo erhi na-a se vwo ẹse rẹ Erhi rẹ Ọghẹnẹ na-a, kidie ugheghẹ ọ dia kẹ, o se vwo ẹruọ rọye-e fikiridie erhi e vwo dje ayen.

1 Kọrẹnt 3:19

Kidie aghwanre rẹ akpọ nana hẹ ẹkpa vwẹ obọ rẹ Ọghẹnẹ. Kidie e siro, O muẹ ọvwaghwanre vwẹ evun rẹ aghwanre rọye,

1 Kọrẹnt 3:3

Kidie yẹ ovwan je hẹ ugboma. Kidie rẹ omaẹriọ vẹ oseghe vwọ hẹ ohri rẹ ovwan na, ovwan rha dia ọ rẹ ugboma, ri yerẹ zighi zighi kerẹ ihwo diodi?

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 11:3

Ẹkẹvuọvo oshọ mu vwẹ nẹ kirobo rẹ ọrọdekọ vwẹ ona phiẹn Ivi na, iroro rẹ ovwan che ghwru nẹ omamọ rẹ ẹga ru we vwo kẹ Kristi.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

2 Tẹsalonaika 2:9

Ẹcha rẹ onogbozighi na vwẹ oma rẹ iruo rẹ Idẹbono na ọ cha rhe vẹ ogangan ejobi vẹ eka rẹ ọphiẹvwẹ kugbe igbunu.

1 Timoti 4:1

Asakiephana Erhi na tare phẹphẹ nẹ ukuko rẹ akpọ na vwobọ ihwo buebu che she nẹ esegbuyota na rẹ ayen da cha kerhọn rẹ erhi rẹ ophiẹvwe kugbe uyono rẹ efian rẹ idẹbono,

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Jems 1:5

Ẹkẹvuọvo ohwo ro rhe vwo aghwanre vwẹ usun rẹ ovwa-an, e jọ nọ vwẹ obọ rẹ Ọghẹnẹ, ọye ri se siobọ nẹ kemu kemu kẹ ohwo, ọ ghwọ kuẹ ohwo-o; kọ vwọ kẹ.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Ọbe ri Jud 1:19

Enana hẹ ihwo re vwẹ ohẹriẹ cha, ihwo rẹ akpọ ghevweghe, ri vwọ Erhi na-a.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 2:24

Ẹkẹvuọvo ovwan ihwo ri chekọ vwi Taetira, re yọnrọn uyono nana-a na, re je riẹn obo rẹ otu ẹvo se nẹ emu ikokodo rẹ Idẹbono na-a, ovwan kọye me ta na, mi rhe kru oghwa ọfa nyẹ ovwa-an;

Ẹvwọphia 9:11

Ovie rẹ ayen vwori kọye hẹ amakashe rẹ orho rẹ igbẹphẹre; odẹ rọye vwẹ ephẹrẹ ri Hibru kẹ Abadọn, e rhe se vwi Grik nẹ Apolọn.