Jems 2:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọbe ọfuanfon na da gba rọ tare nẹ, Ebraham de se Ọghẹnẹ gbuyọta, ọ da nẹrhẹ e kere phihọ ọvwata; e de se ugbeyan rẹ Ọgbẹnẹ.

Jems 2:23 ပူးပေါင်းရင်းမြစ်များ

Jẹnẹsis 15:6

O de se Ọrovwohwo gbuyota, o de kere vwọ kẹ nẹ ọvwata o ruẹ.

1 Ivie 4:5

Azaraya ọmọ ri Natan kọye hẹ enu rẹ iruiruo; Zabud ọmọ ri Natan kẹ orherẹn kugbe ugbeyan rẹ ovie;

2 Ikun rẹ Ivie 20:7

Ọ dia owẹ-ẹ, E Ọghẹnẹ rẹ avwanre, re djẹ ihwo re ka dia otọ nana no vwọ kẹ ihwo wẹn Izrẹli-i, wo de siobọ no bẹdẹ kẹ uvwiẹ rẹ Ebraham ugbeyan wẹn na?

ỌBE RẸ JOB 16:21

manẹ kọ sa yọnre obọ ro te ohwo vwẹ obọ rẹ Ọghẹnẹ vwonẹ, kirobo rẹ ohwo yọnra vwọ kẹ ọrivẹ rọye.

Ẹyano 33:11

Enẹ kọye Ọrovwohwo nene Mosis ta ota hirhe aro ku aro, kerẹsiẹ rẹ ohwo a da ta ota kẹ ugbeyan rọye. Ọke ri Mosis de kuoma rhẹriẹ rhe evun rẹ erhọn na, odibo rọye Joshua rẹ ọmọ rẹ Nun, emeghele rẹ ọshare na rha jẹn owọ nẹ utughẹ na-a.

Aizaya 41:8

Ẹkẹvuọvo we, Izrẹl. odibo mẹ, Jekọp, re me jẹreyọ na, uvwiẹ rẹ Ebraham, ugbeyan mẹ.

Iyẹnrẹ Esiri ri Mak 12:10

Ovwan ji se ọbe ọfuanfon nana-a; Oragha kpekpe rẹ edovwo uwevwi sẹnre rhe dia ọ ro vwo uyovwi vwẹ ubienyẹ;

Iyẹnrẹ Esiri ri Mak 15:27

Ayen da kanre igbulegbu ivẹ mu agbagba kugbe; ọvo hẹ obọrhe rọye, ọrivẹ hẹ obọhwẹre rọye.

Iyẹnrẹ Esiri ri Luk 4:21

Ọ de muhọ eta kẹ ayen, Nonẹ na ọbe ọfuanfon na ke gba vwẹ erhọn rẹ ovwan.

Iruo rẹ Iyinkọn na 1:16

Imoni, ọbe ọfuanfon na gbare rẹ Erhi Ọfuanfon wan unu rẹ Devid ta jovwo, kpahe Judas, ohwo rọ dia osun kẹ ayen otu ri mu Jesu.

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

Ọbe ri Pọl si rhe Ihwo ri Rom 9:17

Kidie ọbe ọfuanfon na ta kẹ Fero, Fiki rẹ ọnana me vwọ kpare owẹ kpenu rere me vwọ mrasan vwẹ ogangan mẹ phia vwẹ oma wẹn, re odẹ mẹ vwo kperi usi ro akpọ na ejobi re.

Galesha 3:22

Ẹkẹvuọvo ọbe ọfuanfon na de ke emu na ejobi ba umwemwu, rere obo re ve kẹ esegbuyota vwi Jesu Kristi a sa vwọ kẹ ayen otu ri segbuyota.

Galesha 3:6

E nẹ Ebraham se Ọghẹnẹ gbuyota, e de kere phihọ ọvwata kẹ.

2 Timoti 3:16

Ọbe ọfuanfon na ejobi rẹ Ọghẹnẹ kpare erhi rẹ ihwo vwo si ọ vọnre vẹ erere kẹ uyono, ẹghwọkuo, ẹrhnẹrẹ phihọ, kugbe eyouo phihọ ọvwata,

Jems 2:24

Ovwan mrẹre nẹ fiki rẹ iruo a vwọ dia ohwo esiri, ọ dia fiki rẹ esegbuyota ọvo-o.

1 Pita 2:6

Kidie e siro phihọ ọbe ọfuanfon na: Nighe, me ra vwẹ oragha ọvo vi vwi Zayọn, oragha rẹ ubienyẹ ra jẹreyọ rọ ghare, ohwo ro sere gbuyota oma gbe vuọ-ọ.