Jems 2:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wọ mrẹre nẹ esegbuyota vwọ ba iruo rọye vwi fiki rẹ iruo na kọye a vwọ mrẹ esegbuyota na vughe.

Jems 2:22 ပူးပေါင်းရင်းမြစ်များ

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

Iyẹnrẹ Esiri ri Jọn 6:29

Jesu da kpahe kẹ ayen, Ọnana hẹ iruo rẹ Ọghẹnẹ, rere we vwo se ọ ro ji vwe rhe na gbuyota.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

Jems 2:18

Ẹkẹvuọvo gbe no, ohwo ọvo me ta nẹ, Wo vwo esegbuyota, okpuyovwi mẹ vwo ogangan rẹ iruo. Gbe djẹ esegbuyota wẹn ro vwo iruo-o na kẹ vwẹ, rere me rha wan oma rẹ iruo mẹ djẹ esegbuyota mẹ kẹ wẹ.

1 Jọn 2:5

ẹkẹvuọvo kohwo kohwo rọ reyọ ota rọye, uyota yẹ ẹguọnọ rẹ Ọghẹnẹ ghare vwẹ evun rọye. Kẹ etiyin o vwo mu avwanre ẹro nẹ avwanre hẹ evun rọye.