Jems 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Jems 2:13 ပူးပေါင်းရင်းမြစ်များ

Jẹnẹsis 42:21

Etiyin ayen da ta kẹ ohwohwo, Vwẹ ọrẹ uyota, avwanre riabe rẹ ọmọsẹ rẹ avwanre na, kidie avwanre mrẹ uvwerhe rẹ udu rọye, ọke rọ vwọ rẹ, avwanre kerhọ-ọ, fiki rẹ ọtiọye na ihri rẹ eku rọ viẹre na kọye a na mie avwanre na.

2 Ikun rẹ Ivie 28:11

Asakiephana we gbe nyo vwe, we siobọ nẹ ighuvwu rẹ imoni rẹ ovwan na kpo, kidie ophu ọtuatua rẹ Ọrovwohwo ọ hẹ uyovwi rẹ ovwan.

Une rẹ Ejiro 18:25

Ohwo ro vwo ẹguọnọ esiri ọye wo dje ẹguọnọ esiri wẹn kẹ, ohwo rọ gbare ọye wo dje oma wẹn kẹ gbagba,

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Isẹ 21:13

Ohwo ro dierhọn kẹ unuebo rẹ ovwiogbere; ọke ro de che bunu vwẹ esiẹfa a gbe mrẹ ohwo nyo kẹ-ẹ.

Isẹ 22:16

Ohwo ro shenyẹ ovwiogbere rere efe rọye vwọ bu, eyẹ ọ da ghwẹ ekọn rọye vwọ kẹ ọdafe, ọbẹvwẹ che hwe vwobo.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Matiu 5:7

Ebruba kẹ ihwo ri ni aruẹdọn; kidie ihwo efa ki ji ni aruẹdọn kẹ ayen.

Matiu 6:15

Ẹkẹvuọvo we gbi vwo rhovwo ihwo-o, Ọsẹ rẹ ovwan rọ hẹ obo odjuvwu rhe se vwo rhovwo ovwa-an.

Iyẹnrẹ Esiri ri Luk 16:25

Ẹkẹvuọvo Ebraham da ta, Mọmẹ, karohọ nẹ vwẹ ọke ru wọ vwọ hẹ obo akpọ wo vwo emu esiri buebu, eriyin rhe Lazarọs je mrẹ ẹnso buebu; ẹkẹvuọvo Asakiephana ọ hẹ ofuvwegbe vwẹ obonẹ, yo wẹ hẹ ogidi.

Iyẹnrẹ Esiri ri Luk 6:37

Wo guẹ ohwo-o e gbi ji gu we-e; Wo bru ẹdjo hwe ohwo-o, e gbi ji bru hwe we-e; vwo ghovwo, ke ji vwo ghovwo uwe;

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Iguẹdjọ 1:7

Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

Iguẹdjọ 5:27

O de si wurhu, ọ de she, o de dophie vwẹ awọ rọye; vwẹ asan awọ rọye o de si wurhu, o de she; asan ro de she na, Etiyin o de ghwu.