Jems 1:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Jems 1:27 ပူးပေါင်းရင်းမြစ်များ

Une rẹ Ejiro 119:1

Ebruphihọ kẹ ayen otu re idjerhe rọye vwo abe-e, re yan phihọ evun rẹ urhi rẹ Ọrovwohwo na!

Une rẹ Ejiro 146:9

Ọrovwohwo na rhẹrẹ eyoyan, ọ yọnrọn eyauku vẹ emephrorivwi; ẹkẹvuọvo idjerhe rẹ ohwo umwemwu ọ rharọ mu ekpẹn.

Une rẹ Ejiro 68:5

Ọsẹ rẹ ọmọphrorivwi ọchochọ rẹ eyauku ọye Ọghẹnẹ vwẹ ẹdia ọfuanfon rọye.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Matiu 12:32

Kohwo kohwo rọ ta ota omiomiovwi kpahe ọmọ rẹ ohwo e vwo ghovwo, ẹkẹvuọvo ọ rọ ta ota omiomiovwi kpahe Erhi Ọfuanfon na e se vwo ghovwo-o.

Matiu 5:8

Ebruba kẹ ihwo rẹ evun rẹ ayen fonro; kidie ayen cha mrẹ Ọghẹnẹ.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Galesha 1:4

ohwo rọ reyọ oma rọye vwo ru ẹse kẹ avwanre rere ovwo se sivwi avwanre nẹ umwemwu rẹ akpọ nana vwẹ ọtiobo ro de fo kẹ ẹserọphẹ rẹ Ọghẹnẹ rẹ ọsẹ rẹ avwanre.

Galesha 3:11

Asakiephana o muẹro nẹ o vwo ohwo ọvuọvo rọ sa rease vwẹ obaro rẹ Ọghẹnẹ vwi fiki rẹ urhi na-a; kidie ohwo rọ wan oma rẹ esegbuyota na dia ọvwata kọ rhọ;

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Urhi Rivẹ 14:29

kugbe Livae, fikiridie ọ vẹ owẹ gbe vwo ẹkẹn eyẹ ukuẹriọ-ọ, ji te ọrhorha, yẹ ọmọphrorivwi, te ayeuku, e re herọ vwẹ orho wẹn, Me yanrhe, rhe re evun vọn; rere Ọrovwohwo Ọghẹnẹ wẹn na vwo bruphihọ kẹ wẹ vwẹ evun rẹ iruo ru wo ruẹ ejobi.

1 Timoti 1:5

obo rẹ avwanre nẹ vwẹ idjedje rẹ avwanre hẹ ẹguọnọ ro nẹ omamọ rẹ udu rhe kugbe evun esiri kugbe uvi re esegbuyota.

1 Timoti 5:4

Ọ da dianẹ ayeuku de vwiẹ emọ eyẹ ivwrọmọ, e jẹn ayen ke yono iruo rẹ egagọ na tavwe re ayen ga esẹ vẹ ini rayen re ayen bwa osa rẹ ẹghẹrẹ rayen kẹ ayen; kidie ona ri fo ẹreyọ vwẹ obaro rẹ Ọghẹnẹ.

Taitọs 2:12

Ọ ro yono avwanre ne siobọ nẹ egagọ rẹ ofian kugbe ẹguọnọ rẹ akpọ ofefe na, rere avwanre yere akpọ rẹ avwanre dẹndẹn yoyovwi vwẹ evun rẹ akpọ na.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.

2 Pita 2:20

Kidie ọ da dianẹ ọke rẹ ayen vwọ vabọ rẹ ẹgua rẹ akpọ na vwẹ oma rẹ erianriẹn rẹ Ọrovwohwo kugbe Osivwi rẹ avwanre Jesu Kristi, ayen da rhoma she phihọ ufi rẹ ayen rọ da pẹtiẹ ayen, eyenre rẹ ayen vwẹ ukuko na kọ rhoma miovwi nọ ọ rẹsosuọ.

2 Pita 3:14

Vwẹ ọtiọye na, imoni, rẹ ovwan vwọ hẹrhẹ onana na, gbe jẹ oruru yena dia ovwan oma rere upe eyẹ ekan vwo jẹ ovwan oma ẹdia, re ovwan dia vwẹ ufuoma.

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.