Jems 1:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọ da dianẹ ohwo rori nẹ ọye ọgba rẹ egagọ, rọ sẹro rẹ ẹrevwe rọye-e, ẹkẹvuọvo rọ da phiẹn udu rọye, yẹ egagọ rẹ ohwo yena ofefe.

Jems 1:26 ပူးပေါင်းရင်းမြစ်များ

ỌBE RẸ JOB 15:13

re wọ da kpare erhi wẹn vwọ so Ọghẹnẹ, re eta tiọna na de nẹ unu wẹn cha?

ỌBE RẸ JOB 30:11

Fikiridie Ọghẹnẹ rhan ufi mẹ ọ da kuọrọ ovwe kpotọ, ayen gbi se chirako vwẹ irharo mẹ-ẹ.

Une rẹ Ejiro 141:3

Gba ọgba phihọ unu mẹ, E Ọrovwohwo, Sẹro rẹ ẹchẹ rẹ ẹbẹrunu mẹ!

Une rẹ Ejiro 32:9

Wọ rha dia kerẹ iyesi eyẹ ekẹtẹkẹtẹ rọ riẹn emuọvo-o, ra vwe ufi vẹ ejọnrọn vwọ gba unu tavwe rọ ke riẹn ohwo-o.

Une rẹ Ejiro 34:13

Sẹro re ẹrẹnvwe wẹn nẹ umwemwu eruo, rẹ wo si ẹbẹrunu wẹn nẹ ophiẹnvwe.

Isẹ 10:19

Ohwo da dia ọgbota, riẹn nẹ oruchọ karobọ-ọ, ẹkẹvuọvo ohwo rọ sa yọnrọn unu rọye ọvwiroro oruẹ.

Isẹ 10:31

Ugbunu rẹ ọvwata ẹghwanre ọ vwọ ta ota, ẹkẹvuọvo a cha nyavwẹ ẹrẹnvwe ọbrabra ejobi kufia.

Isẹ 14:12

Idjerhe ọvo herọ rọ pha yoyovwi vwẹ aro rẹ ohwo, ẹkẹvuọvo oba rọye kẹ idjerhe rẹ ughwu.

Isẹ 15:2

Ẹrẹnvwe rẹ ọvwaghwanre djẹ erianriẹn phia, ẹkẹvuọvo unu rẹ ẹkpa vwẹ ughenghẹn phia.

Isẹ 16:10

Omamọ rẹ orhiebro rẹ erhi suẹn ọye a mrẹ vwẹ unu rẹ ovie, unu rọye ruẹ umwemwu siẹ ro de guẹ ẹdjọ-ọ.

Isẹ 16:25

Idjerhe ọvo herọ rọ họhọ obọ ri she phihọ vwẹ ẹro ro ohwo, ẹkẹvuọvo oba rọye idjerhe rẹ ughwu.

Isẹ 19:1

O yovwi vwọ kẹ ogbere rọ rhẹrhẹ akpọ nọ ohwo ro muẹ eta ta fanfanrhiẹ, rọ je dia ẹkpa.

Isẹ 21:26

Ẹdẹ na ejobi ọye ohwo umwemwu vwo phiẹro, ẹkẹvuọvo ọvwata kẹ, o mie-e.

Aizaya 1:13

Wo gbi ze izobo gheghe na ọfa-a ugboduma ẹgua kẹ vwẹ. Ọtuphro rẹ emeranvwe kugbe ẹdidjala kugbe ọghwẹgbe re se. Mi se chiri orukuruku vẹ ọghwẹgbe ofuefu na-a.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Malakae 3:14

Wọ tare nẹ, Ọghẹnẹ ẹgọ fi emuọvo-o. Didi erere ri te ohwo rọ yọnrọn iji rọye eyẹ re vwo muomaphihọ yan vwẹ obaro rẹ Ọrovwohwo rẹ otuofovwi na?

Matiu 15:9

Ayen de ga vwẹ ghevweghe, Ayen me vwẹ uruemu rayen yono ihwo.

Iyẹnrẹ Esiri ri Mak 7:7

Ẹkẹvuọvo ayen de ga vwẹ ghevweghe Ayen yono uyono kugbe uruemu rẹ ihwo.

Iyẹnrẹ Esiri ri Luk 8:18

Kẹnoma rẹ obo ru wo nyo; kidie ohwo ro vwori ọyen a kẹ, ọ rọ vwori-i, emerha ro rhere na ka karhiẹ mie.

1 Kọrẹnt 15:15

Yọ gbe dia obo rẹ Ọghẹnẹ epha kọye avwanre djeri-i, fikiridie avwanre se oseri nẹ Ọghẹnẹ kpare Kristi nẹ ughwu, da yo vrẹnri-i ọ da dianẹ ghine hẹ uyota nẹ irivwi rhe vrẹn nẹ ughwu-u.

1 Kọrẹnt 15:2

ra wan oma rọye sivwi ovwan, ọ da dianẹ ovwan yọnerọ ga–jokpa nẹ ovwan di segbuyota ghevweghe.

1 Kọrẹnt 3:18

E jẹn ohwo ọvuọvo phiẹn oma rọye-e. Ọ da dianẹ ohwo ọvo vwẹ ohri rẹ ovwan na rori nẹ ọye ghwanre vwẹ oge nana, e gbe jẹn ọ rhoma dia ẹkpa rere ọ ke rhoma ghwanre.

Galesha 2:6

Ẹkẹvuọvo, ihwo ẹvo re tanẹ ayen rhoro (yẹ eyena fi emuọvo kẹ vwẹ-ẹ, Ọghẹnẹ ni ikparo rẹ ohwo-o)–ihwo yena, me ta, ri kperi usi na vwẹ emuọvo ba kẹ vwẹ-ẹ.

Galesha 2:9

rẹ ayen vwọ mrẹ ẹserọphẹ ra vwọ kẹ vwẹ rẹ, Jems vẹ Pita kugbe Jọn, re dia osunsun na, de rhie evun reyọ ovwẹ vẹ Banabas gangan, nẹ avwanre gbe bru otu ri Keferi ra re ayen rhe bru otu re yanvwere;

Galesha 3:4

Kẹ ovwan de re egbudugbu rẹ oja nana ejobi kufia? ọ da dianẹ uyota nẹ kẹ ghinẹ hẹ odiodi.

Galesha 6:3

Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

Ẹfesọs 5:4

E jẹn a mrẹ inuhu, eyẹ ogbegbeta, eyẹ ọpata, ri jefo-o; kpe re eyena wa me kpẹvwẹ.

Urhi Rivẹ 11:16

Wa Me jomaotọ, udu rẹ ovwan da rhe phiẹn ovwan, we de kurhẹriẹ ruẹ akakọ, ra ga edjọ shiguẹ kpotọ kẹ ayen;

Kolose 4:6

We jẹ ota rẹ ovwan dia dẹndẹn rere ota avwerhe nẹ unu rẹ ovwan rhe, re ovwan riẹn obo rẹ ovwan kpahe ota kẹ ohwohwo.

Jems 1:19

Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.

Jems 2:20

Ẹkẹvuọvo mi ju wẹ riẹn ẹkpa na, nẹ esegbuyota re vwo ru iruo-o yẹ ẹga oruẹ?

1 Pita 3:10

Kidie. Ohwo rọ guọnọ arhọ rọ guọnọ ẹdẹ esiri mrẹ, e jo si ẹrenvwe rọye nẹ eta ebrabra rere ẹbẹrunu rọye vwo jẹ eta rẹ abe eta;