Jems 1:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ẹkẹvuọvo ohwo rọ nabọ ni urhi na fiotọ, urhi rẹ egbomọphẹ na, rọ nabọ fuẹrẹ, ọ dia ohwo ro nyo nẹ ọ chọrọ ẹro-o ẹkẹvuọvo rọ da dia ohwo ro nyo nẹ ọ ru, ko vwo ebruphihọ vwẹ iruo rọye.

Jems 1:25 ပူးပေါင်းရင်းမြစ်များ

Une rẹ Ejiro 106:3

Ebruba kẹ ayen otu re guọnọ ọsoso, ri ruẹ ọvwata vwẹ ọke ejobi!

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Une rẹ Ejiro 119:45

ke me yan vwẹ egbemọphe, kidie me guọnọ iji wẹn.

Isẹ 14:15

Ogbori se kemu kemu ejobi gbuyota, ẹkẹvuọvo ohwo ro vwo iroro obọ rọ ra ọye o nẹ.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Iyẹnrẹ Esiri ri Jọn 8:36

Ọtiọye na ọ da dianẹ Ọmọ na ru uwe phihọ ọmuvwiẹ, ku wọ dia ọmwuvwiẹ rẹ uyota.

Iruo rẹ Iyinkọn na 13:43

Ọke rẹ ukoko ri Sinagọg na vwọ ghwiẹ nu, ihwo ri Ju buebu kugbe i ri kurhẹriẹ vwẹ egagọ ri Ju de nene Pọl vẹ Banabas, ayen da ta ota kẹ ayen rere ayen se vwo mudia vwẹ ẹserọphẹ rẹ Ọghẹnẹ na.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Iruo rẹ Iyinkọn na 26:22

Rhi te nonẹ na ọchuko ri mi vwori kẹ obọ rẹ Ọghẹnẹ o nurhe, kọye mi vwo mudia vwẹ etinẹ se oseri kẹ ọmọ te ọkpako, tanẹ ọ rha vrẹn emu ọfa-a vwọ nọ obo rẹ emraro na kugbe Mosis tare nẹ e cha phia;

Ọbe ri Pọl si rhe Ihwo ri Rom 11:22

Gbe ni arodọvwẹ vẹ aroesio rẹ Ọghẹnẹ; aroesio kẹ otu ri sheri, ẹkẹvuọvo arodọvwẹ rẹ Ọghẹnẹ dia ke owẹ, wo de nene arodọvwẹ rọye; ọ rha dia eriyi-in ka je nyavwe owẹ kufia.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Ọbe ri Pọl si rhe Ihwo ri Rom 7:12

Ọtiọye na urhi na kẹ ọfuanfon, iji na ke je hẹ ọfuanfon ọsoso yoyovwi.

Ọbe ri Pọl si rhe Ihwo ri Rom 8:15

Ọ gbe dia erhi rẹ ọviẹn rọ djẹ oshọ mu ohwo na a vwọ kẹ ovwa-an, ẹkẹvuọvo kẹ erhi rẹ ọmọ a vwọ kẹ ovwan. Kọye ovwan vwo kperẹ nẹ, Baba! Ọsẹ!

Ọbe ri Pọl si rhe Ihwo ri Rom 8:2

Kidie urhi rẹ Erhi rẹ arhọ vwi Kristi Jesu rhe rhan vwẹ nẹ obọ rẹ urhi rẹ umwemwu vẹ ughwu.

1 Kọrẹnt 15:58

Ọtiọye na, imoni mẹ re ghare, mudia gan, wo yeghe oma-a, dje ebuo-ebuo phihọ vwẹ iruo rẹ Ọrovwohwo, vẹ ẹriẹn nẹ owian re wọ wian kẹ Ọrovwohwo ghwruru-u.

2 Kọrẹnt 13:5

Wa davwe oma rẹ ovwan ni, sẹ ovwan churu obọ mu esegbuyota rẹ ovwan na. Wa davwe oma rẹ ovwan ni. Ovwan rha mrẹ vughe nẹ Jesu Kristi hẹ evun rẹ ovwa-an?– jokpa nẹ udu rẹ ovwan rha gba odavwini na-a!

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Galesha 5:1

Kidie Kristi si avwanre nẹ ọviẹn nure; we gbe mudia gan, wa gbe jẹ oghrọrọ rẹ ọviẹn phihọ ohọre rẹ ovwan ọfa-a.

Galesha 6:2

Ohwohwo mu oghwa rẹ ohwohwo, kọye we se vwo ru urhi ri Kristi gba.

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

1 Timoti 2:15

Vẹ oma rẹ emo evwiẹ a wan sivwi aye, ọ da diane o vwo esegbuyota kugbe ẹguọnọ kugbe ẹfuọn, kugbe dẹndẹn.

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Jems 2:12

Ru kirobo re wọ tare, rere a vwẹ owẹ guẹdjọ kerẹ ihwo ri nenẹ urhi rẹ egbemọphẹ na.

1 Pita 2:16

Yenre akpọ rẹ ọmuvwiẹ, yẹ wọ rha vwẹ ọmuvwie wẹn ruẹ urhurho rẹ umwemwu-u; yenre kerẹ idibo rẹ Ọghẹnẹ.

1 Jọn 2:24

E gbe jẹn obo rẹ ovwan nyori notọrhe na dia evun rẹ ovwan. Ọ da dianẹ obo rẹ ovwan nyori notọrhe na da dia evun rẹ ovwan, ovwan ke dia evun rẹ Ọmọ na kugbe evun rẹ Ọsẹ na.

Ẹvwọphia 14:13

Mi de nyo urhuru ọvo ro nẹ odjuvwu rhe tanẹ, Si Ọnana; Ebruba kẹ irivwi ri ghwuru vwẹ evun rẹ Ọrovwohwo kẹ etinẹ yanran. Ebruba rẹ uyota, eriyin Erhi na tare, rere ayen se rovwoma nẹ owian rayen, kidie uruemu rayen nene ayen.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

1 Samuẹl 12:14

Wa da djẹ oshọ rẹ Ọrovwohwo wa da ga, we de nyo ota rọye we rhe miovwi urhi rẹ Ọrovwohwo-o, te ovwan te ovie rọ ria vwẹ enu rẹ ovwan na de se nene Ọrovwohwo Ọghẹnẹ rẹ ovwan ko yovwi;