Jems 1:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.

Jems 1:22 ပူးပေါင်းရင်းမြစ်များ

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Jerimaya 11:6

Ọrovwohwo da ta kẹ vwẹ nẹ, ghwoghwo eta nana ejobi na phia vwẹ irere ri Juda kugbe irhuvwu ri Jerusalẹm: Nyo eta rẹ ọphọ nana re we ru ayen.

Ọbe rẹ Ọmraro Ọbadaya Obadaya 1:3

Eheri rẹ udu wẹn ọ phiẹn wẹ, rọ dia asan ro kpenu, rọ ta vwẹ evun rẹ udu wẹn, Ono ri si vwẹ kpotọ?

Matiu 12:50

Kidie ohwo kohwo ro ru ẹguọnọ rẹ Ọsẹ mẹ rọ hẹ obo odjuvwu, ọye hẹ oniọvo mẹ rẹ oshare kugbe ọ rọ ọmọtẹ kugbe oni mẹ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

1 Kọrẹnt 15:33

Wo jẹ a phiẹn wẹ-ẹn: Otu umwemwu gbe uruemu esiri kuẹ.

1 Kọrẹnt 3:18

E jẹn ohwo ọvuọvo phiẹn oma rọye-e. Ọ da dianẹ ohwo ọvo vwẹ ohri rẹ ovwan na rori nẹ ọye ghwanre vwẹ oge nana, e gbe jẹn ọ rhoma dia ẹkpa rere ọ ke rhoma ghwanre.

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

Galesha 6:3

Kidie ohwo de roro oma rọye rhuarho, yo te emuọvo-o, yọ phiẹn omobọ rọye.

Galesha 6:7

Wo ja phiẹn wẹ-ẹ, a vwẹ Ọghẹnẹ jehwẹ-ẹ, kidie okankọn kẹ okankọn rẹ ohwo kọnre, ọye o ji che vun rhe.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Jems 1:26

Ọ da dianẹ ohwo rori nẹ ọye ọgba rẹ egagọ, rọ sẹro rẹ ẹrevwe rọye-e, ẹkẹvuọvo rọ da phiẹn udu rọye, yẹ egagọ rẹ ohwo yena ofefe.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

Jems 4:17

Ohwo rọ riẹn emu esiri ro ru, o rhe ruo-o, kẹ umwemwu ọ dia vwọ kẹ.

2 Pita 2:13

Kẹ ayen cha reoja vwi fiki rẹ oruchọ rẹ ayen. Omavwerha ayen siẹ rẹ ayen de di muẹ do vwẹ ogheruvo. Ayen họhọ apa vẹ upe, ri muẹ van vwẹ ọke re da ghwọ, ye vwẹ aghẹghẹ nene ovwan ha eha.

1 Jọn 1:8

Avwanre da ta nẹ avwanre ru umwemwu-u, yẹ avwanre phiẹn oma rẹ avwanre, yẹ uyota na gbe hẹ oma rẹ avwanre-e.

1 Jọn 2:3

Kọna o vwo mu avwanre ẹro nẹ avwanre riẹnrẹ, ọ da dianẹ avwanre yọnrọn urhi rọye.

1 Jọn 3:7

Emọ na, e jẹn ohwo ọvuọvo phiẹn ovwa-an. Ohwo ro ru emu esiri ọye hẹ ọvwata, kirobo rẹ ekpuyovwi rọye hẹ ọvwata na.

3 Jọn 1:11

Ọ rọ ghare, wọ vwẹ ẹro kere ohwo umwemwu-u ẹkẹvuọvo vwẹ ẹro kere ohwo esiri. Ohwo ro ru emu esiri yẹ ọye ọ rẹ Ọghẹnẹ; ohwo ro ruẹ umwemwu yọ je mrẹ Ọghẹnẹ-ẹ.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 22:7

Nighe, Me cha nanana. Ebruba kẹ ohwo rọ yọnre eta rẹ aroẹmrẹ rẹ ọbe nana.