Jems 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

Jems 1:21 ပူးပေါင်းရင်းမြစ်များ

Une rẹ Ejiro 25:9

O suẹn ihwo dẹndẹn phihọ idjerhe rẹ esiri, o mi yono ihwo dẹndẹn phihọ Idjerhe rọye.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Matiu 5:5

Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Iyẹnrẹ Esiri ri Jọn 6:68

Saimọn Pita da kpahe kẹ, Ọrovwohwo, kono mi bru ra? Wẹ ri vwo eta rẹ arhọ ri bẹdẹ na;

Iruo rẹ Iyinkọn na 10:33

Siẹvuọvo na mi de ji ikọn rhi se we, wo ruru ru wọ vwọ rhe. Asakiephana avwanre ejobi rhi koko vwẹ obaro rẹ Ọrovwohwo vwẹ etinẹ, rhi vwo nyo obo rẹ Ọrovwohwo vuẹ wẹ nẹ wo ta kẹ avwanre.

Iruo rẹ Iyinkọn na 13:26

Imoni, emọ rẹ uvwiẹ rẹ Ebraham, kugbe ovwan rẹ djẹ oshọ rẹ Ọghẹnẹ avwanre a vuẹ ovuẹ rẹ esivwo nana rhe.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

1 Kọrẹnt 15:2

ra wan oma rọye sivwi ovwan, ọ da dianẹ ovwan yọnerọ ga–jokpa nẹ ovwan di segbuyota ghevweghe.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Ẹfesọs 5:4

E jẹn a mrẹ inuhu, eyẹ ogbegbeta, eyẹ ọpata, ri jefo-o; kpe re eyena wa me kpẹvwẹ.

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Taitọs 2:11

Kidie ẹserọphẹ rẹ Ọghẹnẹ rhe vwẹ oma phiare, ọ da vwẹ esivwo vwọ kẹ ihwo ejobi.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 4:2

Kidie e gbe ikun esiri na kẹ avwanre kirobo re ji gbe kẹ ayen; ẹkẹvuọvo ota na rẹ ayen nyori na fi erere kẹ aye-en, fikiridie a mrẹ esegbuyota vwẹ oma rẹ ayen otu ri nyoro-o.

Jems 4:8

Si kẹrẹ Ọghẹnẹ, rere o si kẹrẹ owẹ. Hworhẹ abọ rẹ ovwan iruimwemwu na; hworhẹ udu rẹ ovwan rọ fon, ovwan otu ri vwo iroro ivẹ.

Jems 5:20

e gbe jọ riẹn nẹ, ohwo ro yono oruimwemwu kurhẹriẹ nẹ idjerhe rọye o sivwẹ erhi ọvo nẹ ughwu, ọ ke rha vwẹ ukpo rhurhu imwemwu muotọ.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 1:9

Obo ri no esegbuyota rẹ ovwan rhe ku we vwo esivwo rẹ ẹnwẹn rẹ ovwan.

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.