Jems 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

Jems 1:18 ပူးပေါင်းရင်းမြစ်များ

Jerimaya 2:3

Izrẹl ohwo ọfuanfon kẹ Ọrovwohwo, emamọ rẹsosuọ rẹ orhọ rọye. Otu re rerọ ejobi reabe; okpetu bru ayen rhe, Ọrovwohwo re tarọ.

Livitikọs 23:10

Ta kẹ ihwo rẹ Izrẹl ne, Ọke re ovwan de rhi te otọ re Me vwọ kẹ ovwan na rẹ ovwan de che vun emu rẹ ovwan kọnre, wa Me reyọ erheghe rẹ emamọ rẹ ẹsosuọ rẹ ovwan kọnre na vwo rhe orherẹn na,

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Iyẹnrẹ Esiri ri Jọn 1:13

Ihwo re vwiẹri, ọ dia ọ rẹ obara-a eyẹ vwẹ ọhọre rẹ ugboma-a eyẹ ọhọre rẹ ohwo-o, ẹkẹvuọvo ọ rẹ Ọghẹnẹ.

Ọbe ri Pọl si rhe Ihwo ri Rom 4:17

kirobo re siro, Me vwẹ owẹ ru ọsẹ rẹ ẹghorho buebu–vwẹ obaro rẹ Ọghẹnẹ ru wo segbuyota, rọ vwẹ arhọ kẹ orivwi ro ma emu ra mama jovwo-o phihọ akpọ na.

1 Kọrẹnt 4:15

Dede nẹ ovwan vwo ihwo buebu ri suẹn ovwan vwi Kristi, yẹ ovwan vwo esẹ buebu-u. Kidie mẹvwẹ kẹ ọsẹ rẹ ovwan vwi Kristi Jesu vwẹ oma rẹ iyẹnrẹ esiri na.

2 Kọrẹnt 6:7

ota rẹ uyota, kugbe ogangan rẹ Ọghẹnẹ; vwẹ ekuakua rẹ ọvwata vwẹ obọrhe vẹ obọhwẹre;

Ẹfesọs 1:12

Avwanre ihwo ri ke phiẹrohọ Kristi na ke rhi avwanre a da vwẹ avwanre mu nẹ e dia vwọ kẹ ejiro vẹ urinrin rọye.

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.

Hibru 12:23

kugbe ọghwẹgbe rẹ emekpako re si odẹ rayen phihọ odjivwu, kugbe oguẹdjọ kọye hẹ Ọghẹnẹ rayen ejobi, kugbe erhi rẹ ihwo re dia ọsoso re ru gba,

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

Jems 3:14

Ẹkẹvuọvo we de vwo omẹriọ vẹ erhi rẹ ohẹriẹ vwẹ udu rẹ ovwan, wa yeya-an, wa je vwọnrọn efia nyẹ uyota na-a.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Jọn 3:9

Kohwo kohwo rẹ Ọghẹnẹ vwiẹri se ruẹ umwemwu-u; kidie omamọ uruemu rẹ Ọghẹnẹ na hẹ evun rọye, o rhe se ru umwemwu-u fikiridie Ọghẹnẹ ri vwiẹrẹ.

Ẹvwọphia 14:4

Enana hẹ ihwo re vwẹ eya gbe oma rẹ ayen ẹgua-a, kidie ayen sẹro rẹ oma rayen; enana hẹ ihwo ri nene Omogodẹ na kpo asan kasan rọ rare; a tan enana nẹ uherevie rẹ ihwo rẹ akpọ na rhe kerẹ emamọ rẹsosuọ vwọ kẹ Ọghẹnẹ kugbe Omogodẹ na,