Jems 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹkẹvuọvo ọke rẹ urhuru si vwe vẹ ẹguọnọ rẹ ugboma na de rhi bunọ re, ke ghwa ọdavwini cha.

Jems 1:14 ပူးပေါင်းရင်းမြစ်များ

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

2 Samuẹl 11:4

Devid de ji ikọn ra reyọ rhe, o de bro rhe, ọ vọye da mroma; fikiridie ọ ghwa họ nẹ afe vwẹ obọ; aye na de rhivwi kpo uwevwi rọye.

ỌBE RẸ JOB 31:27

ọ da bẹbẹ si udu mẹ reyọ, re unu mẹ da fiọnfiọn obọ mẹ,

ỌBE RẸ JOB 31:9

Ọ da dianẹ udu mẹ phiẹn vwẹ ra riẹriẹ aye, ri mi de re fiọnko vwẹ anurhoro rẹ ọrivẹ mẹ;

Isẹ 4:23

Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Hosia 13:9

Me guọghọ owẹ, E Izrẹl, kono sa chọ we uko?

Matiu 15:18

Ẹkẹvuọvo obo ri nẹ unu rhe, otọ rẹ udu o nẹ cha; kọye ri miovwo ohwo.

Matiu 15:20

Enana ejobi na keye ri miovwo ohwo. Ẹkẹvuọvo ọ dia abọ re jẹ hworhẹ ra ke re emu ri miovwo ohwo-o.

Matiu 4:1

Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni.

Matiu 5:28

ẹkẹvuọvo me ta kẹ wẹ nẹ, kohwo kohwo ro ni aye rẹ ohwo ọfa opharo ro de je, yẹ o duro vwẹ udu rọye nure.

Ọbe ri Pọl si rhe Ihwo ri Rom 7:11

Kidie umwemwu, rọ guọnọ asan vwẹ evun rẹ urhi na, da phiẹn vwẹ oma rọye kọye me wan ghwu.

Ọbe ri Pọl si rhe Ihwo ri Rom 7:13

Kẹ obo ri yoma na, kọye rha so ughwu kẹ vwẹ? Kaka vwo! Umwemwu, ro ru Iruo rẹ ughwu vwẹ evun mẹ na vwẹ oma rẹ obo ri yoma rere a vwọ sa mrẹ umwemwu vughe, rere vwẹ oma rẹ urhi na me rhe vwọ dia oruimwemwu rode na.

Ẹfesọs 4:22

Gbe ku oma rẹ ovwan rẹ awanre na kugbe uruemu rẹ ovwan rẹ awanre na ro miovwiri fiki rẹ ophiẹvwe rẹ urhuru sivwi ofefe na kufia.

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.

Jems 1:13

Ọke rẹ odavwini de te we oma, wọ ta nẹ, Ọgbẹnẹ re davwẹ ovwẹ ni-i; fikiridie asan vwẹ umwemwu davwẹ Ọghẹnẹ nẹ-ẹ yẹ okpuyovwi rọye davwẹ ohwo ọvuọwo nẹ-ẹ.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.