Jems 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie ọnre cha bẹrẹ rhe vẹ uvo ogangan, rhi mu ẹbe na, i mi rhi vwioro, idodo na mi rhi she kufia, erhuvwu rọye ejobi mi rhi ghwru kufia: eriyin ọdafe vẹ oyan rẹ eki rọye je cha phoriẹn kufia.

Jems 1:11 ပူးပေါင်းရင်းမြစ်များ

2 Samuẹl 22:46

Oshọ mu erhorha ayen da rhe vẹ ophariẹ nẹ asan odjahọ rayen rhe.

Une rẹ Ejiro 102:11

Edẹ mẹ da họhọ uhoho re ovwọnvwọn; Mi vwioro kufia kerẹ odi.

Une rẹ Ejiro 102:4

A nyavwe udu mẹ kerẹ odi, o de vwioro, Me gbe karohọ re emu mẹ-ẹ

Une rẹ Ejiro 103:15

Vwọ ke ohwo, ẹdẹ rọye ejobi e họhọ odi; ọ rhua gbodo gbodo kerẹ ododo ro hẹ evun rẹ udju,

Une rẹ Ejiro 37:2

Kidie ayen che vwioro kerẹ ẹbe rẹ aghwa, ke cha fa kerẹ ẹbe rẹ urhe ọkpokpọ.

Une rẹ Ejiro 39:6

Omuẹro ohwo de ra yan kerẹ uhoho! omuẹro ayen di do ghevweghe; ohwo de ghwẹ koko, yọ riẹn ohwo ro che vwo aye-en!

Une rẹ Ejiro 90:6

vwẹ irhiọke ki gbodo gbodo ọ Me rhoma dia ọkpokpọ; vwe ovwọnvwọn ọ mi vwioro ọ me kpare she.

Aghwoghwo 5:15

Kirobo ro nẹ evun rẹ oni rọye rhe eriyin o che ji rhivwi kpo ẹbẹba ọ vwọ rhe, ọ cha vwẹ obọ rọye ghwa emu ọvuọvo rọ owianre na kpo-o.

Aizaya 28:1

Ekan kẹ erhu rẹ uvie rẹ eheri rẹ ọgbaudi rẹ Ifrem, kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi rẹ ihwo rẹ udi muẹ.

Aizaya 28:4

kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi, kọ họhọ fig rọ ka vware rẹ uvo ki te, rẹ ohwo da mrẹ, ọ me ghwa riọ re siẹ obọ rọye de te.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Matiu 13:6

Ọke rẹ ọnre vwọ varhe, o de vwioro, fikiridie ọ vwo owọ-ọ o de ghwu.

Matiu 20:12

ta nẹ, ihwo rẹ ukuko na, ru iruo kri-i, yẹ a hwa osa abavo kẹ avwanre rẹ wian owian rhiri, rẹ uvo ọgangan na muru.

Matiu 6:30

Ọ da dia nẹ Ọghẹnẹ sa vwẹ amwa rhuo idodo rẹ aghwa, re rhua bodo bodo nonẹ, odẹ rọ cha a gbẹn ayen kufia, komavọ o rhuo ovwan te, iri vwo esegbuyota krẹkrẹ na?

Iyẹnrẹ Esiri ri Mak 4:6

ẹkẹvuọvo ọke re ọnre vwọ varhẹ, o de vwioro; kidie o vwo owọ-ọ; ọ da ya.

1 Kọrẹnt 7:31

otu ri yere akpọ na kerẹsiẹ ra da mrẹ nẹ ayen yere-e. Kidie erhuvwu rẹ akpọ na ra wan vrẹn.

1 Pita 1:4

vwọ kẹ ukuẹriọ ro jẹghwọrọ, ro jẹ ẹgua evwo, rọ tẹ-ẹn, ra sẹro rọye vwẹ obo odjuvwu kẹ ovwan.

1 Pita 5:4

Ọke rẹ onotu rẹ Osuigegede na da cha phia ku wo vwo erhu rẹ urinrin ro jẹphoriẹ.