Ivie rẹ Ivẹ 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ilaesha da kpahe kẹ, Die mi ru kẹ wẹ? Ta kẹ vwẹ; die wo vwori vwẹ uwevwi na? Ọ da kpahe, Ọmọtẹ wẹn odibo wẹn vwo ugogo rẹ oravwọ vwẹ evun rẹ uwevwi na-a jokpa rẹ oghwara rẹ evwri.

Ivie rẹ Ivẹ 4:2 ပူးပေါင်းရင်းမြစ်များ

1 Ivie 17:12

Aye na da ta, Kirobo rẹ Ọrovwohwo Ọghẹnẹ wẹn vwọ herọ na, mi vwo emuọvo ra kakere-e, jokpa rẹ omotọ rẹ usi ro chekọ vwẹ egboro, kugbe emevwri vwẹ ukoko. Asakiephana, mi rhi vwirhi emeghọn rẹ irhe, ri mi re gbe kẹ oma mẹ vẹ ọmọ mẹ, re avwanre da riọ nu, ku me ghwẹ.

Ivie rẹ Ivẹ 2:9

Ọke rẹ ayen vwọ wan vrẹn nu, Ilaija da ta kẹ Ilaesha, Nọ ekpẹn rẹ obo wọ guọnọre ni mi ru kẹ wẹ tavwe ra ke reyọ ovwẹ jẹ uwe vwo. Ilaesha da ta nẹ, Me rẹ wẹ, ju vwe reuku rẹ erhi ro rhe we na akuava.

Ivie rẹ Ivẹ 4:3

Etiyin ọ da ta kẹ, Yan ro otafe wọ ra yare eghwara miẹ irivẹ wẹn ejobi, eghwara ifefe e ghwa havwa nọ-ọ.

Ẹyano 4:2

Ọrovwohwo da ta kẹ, “Didi emu ọyen hẹ obọ wẹn?” Ọ da kpahe kẹ, “Ọkpọ.”

Matiu 15:34

Jesu da nọ ayen nẹ, bro ikara ovwan vwori? Ayen da ta nẹ ighwrẹ kugbe imiyeri evo.

Iruo rẹ Iyinkọn na 3:6

Ẹkẹvuọvo Pita da ta nẹ, idọnọ efuanfon vẹ iro mi vwori-i, ẹkẹvuọvo me kẹ wẹ emu mi vwori; vwẹ odẹ ri Jesu Kristi ri Nazarẹt, yan.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?