Isẹ 6:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ gbe ru ọnana, ọmọ mẹ, rere wo sivwi oma wẹn, kidie wo rhi she ro obọ rẹ ogangan rẹ ọrivẹ wẹn nure. Gba ra rẹ ọrivẹ wẹn na phẹre phẹre,

Isẹ 6:3 ပူးပေါင်းရင်းမြစ်များ

2 Samuẹl 24:14

Etiyin Devid da ta kẹ Gad, Mi hẹ evun rẹ ukpokpoma rode; ju vwe she phihọ obọ rẹ Ọrovwohwo, kidie ehrọre rọye ọrhuarho; ẹkẹvuọvo wo ju vwe she phihọ obọ rẹ ohwo rẹ akpọ-ọ.

2 Ikun rẹ Ivie 12:5

Etiyin Shemaiya rẹ ọmraro na de bru Rehoboam rhe kugbe isun ri Juda, re rhe ghwẹ koko vwi Jerusalẹm fiki ri Shishak, ọ da ta kẹ ayen, E nẹ Ọrovwohwo tare, Wa mrẹ vwẹ djẹ, ke me je djẹ jẹ ovwan vwo ki Shishak.

2 Ikun rẹ Ivie 36:12

O de ru obo re brare vwẹ obaro rẹ Ọrovwohwo Ọghẹnẹ rọye. Ọ vwẹ oma kpotọ kẹ Jẹrimaya ọmraro na-a, rọ ta ota nẹ unu rẹ Ọrovwohwo cha vwọ kẹ.

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Ẹyano 10:3

Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Isẹ 6:2

ọ da dianẹ ufi mu we fiki rẹ ota rẹ ẹbẹrunu wẹn, rẹ unu wẹn da she wẹ,

Isẹ 6:4

wo jẹn ovwerhẹ sun we-e rere wo go ovwerhẹ-ẹ.

Jems 4:10

Vwẹ oma wẹn kpotọ kẹ Ọghẹnẹ, kọ kpare owẹ kpenu.