Isẹ 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kọye wọ vwọ mrẹ ẹroesiri vẹ odẹ esiri reyọ vwe obọ rẹ Ọghẹnẹ vẹ obọ rẹ ohwo rẹ akpọ.

Isẹ 3:4 ပူးပေါင်းရင်းမြစ်များ

Jẹnẹsis 39:21

Ẹkẹvuọvo Ọrovwohwo vi Josẹf herọ ivun rọye da vwerhọ, ọ da vwẹ aruesiri kẹ vwẹ obaro rẹ olori rẹ uwodi na.

Une rẹ Ejiro 111:10

Oshọẹdjẹ rẹ Ọrovwohwo ọye ẹsosuọ rẹ ẹghwanre; omamọ rẹ ẹruọ ọye rhe ihwo ri vwiro ru iruo. Ejiro rọye dia bẹdẹ!

Isẹ 12:2

Ohwo esiri ọye sa mrẹ aroesiri vwẹ obọ rẹ Ọrovwohwo na, ẹkẹvuọvo o brẹhwe ohwo rọ vwẹ evun roro iruimwemwu.

Isẹ 13:15

Iroro esiri nẹrhẹ ohwo mrẹ aroesiri, ẹkẹvuọvo idjerhe rẹ ihwo ri vwo esegbuyota-a ke ghwọrọ.

Isẹ 8:35

Kidie ohwo rọ mrẹ vwẹ yọ mrẹ arhọ, kọ mrẹ aroesiri reyọ miẹ Ọrovwohwo na.

Daniẹl 1:9

Etiyin Ọghẹnẹ da vwẹ ẹroesiri vẹ arodọvwẹ kẹ Daniẹl vwẹ obaro rẹ olori rẹ eghwanran na,

Iyẹnrẹ Esiri ri Luk 2:52

Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.

Iruo rẹ Iyinkọn na 2:47

Kẹ ayen jiri Ọghẹnẹ ayen ohwohwo ke vwẹ ẹro esiri ni ohwo. Kẹdẹ kẹdẹ kọye Ọrovwohwo vwọ vwẹ ihwo re sivwi rhọ vwọ ba ayen.

Ọbe ri Pọl si rhe Ihwo ri Rom 14:18

Kidie ohwo rọ nabọ vwẹ oma kpotọ ga Kristi uruemu rọye ko jẹ Ọghẹnẹ ihwo rẹ akpọ ki ji jiro.

2 Kọrẹnt 8:21

kidie ọ dianẹ obo ri vwo ọghọvwẹ obaro rẹ Ọrovwohwo ọvo avwanre roro-o ẹkẹvuọvo ji te obaro rẹ ihwo rẹ akpọ.

1 Samuẹl 2:21

Ọrovwohwo de bru Hanah rhe, ọ da mrevun o de vwiẹ emeshare erha kugbe emetẹ ivẹ. Ọmọ re se Samuẹl da rhe rho vwẹ obaro rẹ Ọrovwohwo.

1 Samuẹl 2:26

Asakiephana ọmọ re se Samuẹl na ro rhua vwẹ ugboma vẹ aroesiri vwẹ obọ rẹ Ọrovwohwo vẹ ihwo rẹ akpọ.