Isẹ 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wo jẹ omaevwokpotọ vẹ urhi ẹyọnrọn kanre owẹ-ẹ; gba ayen mu ohọre wẹn, si ayen phihọ udu wẹn.

Isẹ 3:3 ပူးပေါင်းရင်းမြစ်များ

2 Samuẹl 15:20

Odẹ kpori wọ rhere, me ghwa vwi nonẹ ru vwo nene avwanre, avwanre re yancha yankpo na, ri vughe asan rẹ ra-a? Rhivwi reyọ ihwo wẹn rhe. Jẹn ehrọre vẹ ẹguọnọ ro jẹrhẹriẹ rẹ Ọrovwohwo nene uwe dia.

Une rẹ Ejiro 119:11

Mi phi ota wẹn phihọ udu mẹ rere mi vwo ji umwemwu eruo kpahe owẹ.

Une rẹ Ejiro 25:10

Idjerhe rẹ Ọrovwohwo ejobi ẹguọnọ ro jẹ rhẹriẹ vẹ uyota, vwọ kẹ ayen otu re yọnrọn ọphọ kugbe iseri rọye.

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Isẹ 1:9

kidie ayen omamọ rẹ erhu wo vwo tughẹ uyovwi wẹn, vẹ evwarha ru wọ gba phihọ ohọre.

Isẹ 14:22

Ihwo re jẹ iroro umwemwu rhe ruẹ chọ? Ihwo re jẹ iroro esiri ke mrẹ oma evwokpotọ vẹ esegbuyota.

Isẹ 16:6

Vwẹ oma rẹ esegbuyota vẹ omaevwokpotọ ọye a vwọ sa rhuẹrẹ orukuruku, oshọẹdjẹ rẹ Ọrovwohwo ọye ohwo sa vwọ kẹnẹ oma kẹ umwemwu.

Isẹ 20:28

Ọghọ vẹ evun ẹfuọn re nẹrhẹ ovie tọn, ọvwata kọye rha yọnrọn ekete rọyẹ.

Isẹ 6:21

Gba ayen mu udu wẹn kọke kọke; gba ayen mu ohọre wẹn.

Isẹ 7:3

Gba ayen mu irhiabọ wẹn, si ayen phihọ evun rẹ udu wẹn.

Jerimaya 17:1

Umwemwu ri Juda ubiurhe rẹ utehru e vwo sio, unegbe ri diamọnd a vwo tuọn phihọ imẹjẹ rẹ udu rayen, kugbe ighoro rọ hẹ enu rẹ ẹshẹ rayen.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Malakae 2:6

Uyono rẹ uyota da hẹ unu rọye, a mrẹ efian vwẹ unu rọye-e. O nabọ yan nene uvwe vwẹ ọsoso vẹ ufuoma, o de si ihwo buebu nẹ orukuruku rayen.

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

2 Kọrẹnt 3:3

ovwan dje phia nẹ ovwan hẹ ọbe ro nẹ obọ ri Kristi rhe rẹ avwanre vwọ kẹ ovwan, ra vwẹ amu si-i ẹkẹvuọvo vwẹ Erhi rẹ Ọghẹnẹ ro jeghwo na, ọ dia enu rẹ ọphapha rẹ oragha-a ẹkẹvuọvo vwẹ enu rẹ ophapha rẹ udu rẹ ihwo.

Ẹfesọs 5:9

(Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Urhi Rivẹ 6:8

Wọ Me gba ayen phihọ obo wẹn rọ dia oka, wọ Me gba mu arhare wẹn.

Hibru 10:16

Ọnana hẹ ọphọ re me vẹ ayen cha re rẹ ẹdẹ yena da wan nu Ọrovwohwo re tare; ki mi phi urhi mẹ phihọ udu rayen, ki mi sio phihọ iroro rayen,