Isẹ 26:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kirobo rẹ ọmọphran Ọghẹnẹ rue vwẹ ọke rọ da kua kpo asan ọfa ye, kugbe obo rẹ ọkan ruẹ vwẹ ọke rọ da rha ye eriyin ekan ẹharhọ ro vwo otọ-ọ se she amu-u.

Isẹ 26:2 ပူးပေါင်းရင်းမြစ်များ

2 Samuẹl 16:12

Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

2 Samuẹl 16:8

Ọrovwohwo rhe re ihri rẹ ọbara rẹ uwevwi ri Sọl vwẹ obọ wẹn, ohwo re wọ re uvie vwẹ adia rọye na; Ọrovwohwo vwẹ uvie wẹn vwọ hẹ obọ rẹ ọmọ wẹn Absalọm. Nighere, oghwọrọ wọ epha na, wẹ ohwo rẹ ọbara na.

Nehemaya 13:2

kidie ayen vwe ikara kugbe ame vwọ ke ihwo re Izrẹl na-a, ẹkẹvuọvo ayen de durhie Balaam ne o rhi duvwu iyori hwe ayen–dede na Ọghẹnẹ re avwanre da rhẹriẹ iyori na phihọ ẹrhovwo.

Une rẹ Ejiro 109:28

Jẹn ayen harhe ekan, ẹkẹvuọvo wọwẹ ri brephihọ Jẹn ihwo re ghwiẹ vwe hwe mrẹ omaẹvuọ; jẹn odibo wẹn ghọghọ!

Isẹ 27:8

Kere ọmọphran ro beghe jẹ ẹho rọye vwo eriyin ohwo ro suosuo jẹ uwevwi rọye vwo epha.

Aizaya 16:2

Kerẹ ọmọphran rọ teyọ ibekpe, kerẹ emephran boba ra zaghare, eriyin emetẹ ri Moab epha vwẹ ushuame rẹ Arnọn.

Ukeri 23:8

Komavọ mi duvwu iyori hwe ihwo rẹ Ọghẹnẹ duvwi iyori-i? komavọ me bọphiẹ ihwo rẹ Ọrovwohwo bọphiẹre-e?

1 Samuẹl 17:43

Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.