Isẹ 20:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ohwo ro tephe kẹ ohọnre mu oma rọye phihọ ọghọ, ẹkẹvuọvo ẹkpa kẹkpa djẹ ẹghwọ eghwọ.

Isẹ 20:3 ပူးပေါင်းရင်းမြစ်များ

Jẹnẹsis 13:7

oseghe kọ rhe dia vwe uvwre rẹ isuigodẹ rẹ Ebram vẹ isuigodẹ ri Lọt. Ọke yena ihwo ri Kenan kugbe ihwo ri Pẹriz je otọ na.

Jẹnẹsis 13:8

Ebram da ta ki Lọt, E gbi jẹ oseghe dia uvwre wẹ vẹ ọmẹ-ẹ kugbe uvwre rẹ isuigodẹ wẹn vẹ emẹ-ẹ, kidie avwanre iniọvo.

Ivie rẹ Ivẹ 14:9

Jehoash ovie rẹ Izrẹl da vuẹ uwevwi rhe Amazaya ovie ri Juda, odjigbẹ ri Lebanọn vuẹ rhẹ igẹdu ri Lebanọn na, Vwẹ ọmọtẹ wẹn kẹ ọmọ mẹ vwọ rọvwọn; eranvwe rọ djoma vwi Lebanọn wanvrẹn o de chiyi ọdjigbẹ na muotọ.

Isẹ 14:17

Ohwo ro vwẹ ẹnwẹn ọrhorhorho ruẹ uruemu rẹ ẹkpa, ẹkẹvuọvo ọvwiroro vwo odiri.

Isẹ 14:29

Ohwo rọ fobọ mu ophu-u ọye ohwo ro vwo ẹruọ okokodo, ẹkẹvuọvo ohwo ro vwo ẹnwẹn ogigidi dje ughenghẹn phia.

Isẹ 16:32

Ohwo rọ fobọ muẹ ophu-u yovwi nọ ọgba, ohwo ro se suẹ erhi rọye yovwi nọ ohwo rọ phio orere kua.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Isẹ 18:6

Ẹbẹrunu rẹ ẹkpa so eta; ugbunu rọye sua ohọre.

Isẹ 19:11

Ohwo ro vwo ọhọ fobọ muẹ ophu-u, je vwẹ ọrho rode kẹ ro de kuaro fia kẹ oruchọ.

Isẹ 21:24

Ọjihwofia ọye ọde rẹ ohwo ro herẹ, ro vwo ọnko ro yivwaro vẹ omaephuo.

Isẹ 26:17

Ohwo ro di phi oma phihọ eghwọ rẹ ihwo efa ọ họhọ ohwo rọ mrẹ eranko rọ yan wan ọ da yọnrọn orhọn.

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

Jems 3:14

Ẹkẹvuọvo we de vwo omẹriọ vẹ erhi rẹ ohẹriẹ vwẹ udu rẹ ovwan, wa yeya-an, wa je vwọnrọn efia nyẹ uyota na-a.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?