Isẹ 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kẹsiẹna wọ ke cha riẹn otọ rẹ ọvwata vẹ orhiebro kugbe orhiọsoso vwẹ idjerhe kidjerhe esiri ejobi.

Isẹ 2:9 ပူးပေါင်းရင်းမြစ်များ

Une rẹ Ejiro 119:105

Ota wẹn ọye urhukpẹ ke awọ mẹ kugbe oremrẹ ke idjerhe mẹ

Une rẹ Ejiro 119:99

Mi vwọ ẹruọ no otu ri yono uvwe ejobi, kidie iseri wẹn na ọye iroro mẹ.

Une rẹ Ejiro 25:12

Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.

Une rẹ Ejiro 32:8

Mi dje kẹ wẹ mi yono uwe idjerhe ru wọ cha ra; Me nẹ wẹ iroro ẹro mẹ ko te we sun.

Isẹ 28:5

Ihwo ebrabra sa riẹn obo rẹ ọsoso epha-a, ẹkẹvuọvo otu re guọnọ Ọrovwohwo na riẹn otọ rọye gbagba.

Isẹ 4:12

Wọ da yan, owọ wẹn rha gban phihọ-ọ, wọ da dje onẹ dede wọ rha kpro owọ-ọ.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Isẹ 8:20

Me yan vwẹ idjerhe rẹ ọvwata, vwẹ idjerhe rẹ ọsoso,

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.