Isẹ 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

Isẹ 2:5 ပူးပေါင်းရင်းမြစ်များ

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

Isẹ 1:7

Oshọẹdjẹ rẹ Ọrovwohwo ọye ẹtuọhọ rẹ erianriẹn: ẹkpa kọye re jẹ uyono vẹ aghwanre kuẹfia.

Isẹ 28:7

Ohwo rọ yọnrọn urhi ọye omamọ rẹ ọmọ rọ ghwanre; ẹkẹvuọvo ohwo rọ dia ọgbọre nẹrhẹ oma vua ọsẹ rọye.

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.

Isẹ 9:10

Oshọẹdjẹ rẹ Ọrovwohwo na ọyẹ ẹtuọhọ rẹ eghwanre, erianriẹn rẹ Ọfuanfon Ọvuọvo na ọye orẹmrẹ.

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.