Isẹ 17:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Isẹ 17:3 ပူးပေါင်းရင်းမြစ်များ

1 Ikun rẹ Ivie 29:17

Me riẹnre Ọghẹnẹ mẹ, nẹ wẹwẹ re davwẹ udu nẹ, Wo vwo omavwerhe kpahe ọsoso; vwẹ ọsoso rẹ udu mẹ mi vwo siobọ nẹ ekuakua nana ejobi kẹ wẹ, vwẹ asakiephana me mrẹ ihwo wẹn, re gba vwẹ etine na, ri siobọ nu vẹ aghọghọ kẹ wẹ.

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

ỌBE RẸ JOB 28:1

Omuẹro nẹ ọgọdọ rẹ idọnọ ghine herọ, ẹdia rẹ oro ra hworhe fon je herọ.

Une rẹ Ejiro 139:23

Riẹn vwẹ, E Ọghẹnẹ, re wọ riẹn udu mẹ! Daovwẹ ni re wọ riẹn iroro mẹ!

Une rẹ Ejiro 26:2

Hiẹn otọ mẹ, E Ọrovwohwo, davwe ovwẹ ni, davwe udu mẹ vẹ iroro mẹ.

Une rẹ Ejiro 66:10

Kidie wẹ, E Ọghẹnẹ, re davwẹ avwanre wọ davwẹ avwanre kirobo ra wran idọnọ.

Isẹ 15:11

Ushi vẹ erivwi de rhie phihọ vwẹ obaro rẹ Ọrovwohwo, komavọ udu rẹ ohwo rẹ akpọ rhie phihọ ke te?

Isẹ 16:2

Idjerhe rẹ ohwo rẹ akpọ ejobi oyoyovwo vwẹ aro rọye, ẹkẹvuọvo Ọrovwohwo vwanvwan erhi.

Isẹ 17:2

Ọviẹn ro vwo aghwanre che suẹn ọmọ ro gbe ozighi, o che nene imoni na ghare uku.

Isẹ 21:2

Idjerhe rẹ ohwo rẹ akpọ ejobi yovwẹ re vwẹ ẹro rọye, ẹkẹvuọvo Ọrovwohwo vwanvwan udu.

Isẹ 27:21

Ẹvwẹrẹ a vwọ wran idọnọ, ẹkuerhanre kọye a vwọ wran ọrọ, eriyin ejiro rẹ ohwo e vwo brorhiẹ rọye.

Aizaya 48:10

Nighere, Me fa weẹ, ẹkẹvuọvo ọ dianẹ kerẹ idọnọ-ọ. Me davwe owẹ vwe ogidi erhanre rẹ ukpokpogho

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Izikiẹl 22:18

Ọmọ rẹ ohwo, uwevwi rẹ Izrẹl rhoma rhi hirhe phihọ emu ghevweghe kẹ vwẹ, ayen ejobi re kpae, idọnọ kugbe ẹrovwo kugbe odje kugbe utehru kugbe isinika vwe evun re erhanre, ayen ejobi hirhe phihọ emu ghevweghe.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Urhi Rivẹ 8:16

ọ rọ vwẹ mana ghẹrẹ owẹ vwẹ evun rẹ aghwa na, mana rẹ esẹ wẹn riẹnre-e; ro vwo ru we vwẹ oma kpotọ, rọ vwọ davwẹ owẹ ni, ro vwo ru we yovwi vwẹ oba rẹ akpọ wẹn;

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.